ហ្វេសប៊ុកពត៌មានខ្មែរសិរី
VISITOR
វេបសាយកំណាព្យល្អៗ
វេបសាយខ្មែរល្អៗ
វចនានុក្រម
គេហទំពរសម្រាប់រៀន IT
Thursday, July 25, 2013
កូនប្រុសលោក ហ៊ុន សែន ពីរនាក់ ត្រូវបានដំឡើងបុណ្យស័ក្ដិក្នុងតួនាទីយោធា និងការដាក់កូនប្រុសម្នាក់ទៀតជាតំណាងរាស្ត្រ បណ្ដាលឲ្យមានការសង្ស័យថា លោកនាយករដ្ឋមន្ត្រី ហ៊ុន សែន កំពុងចង់ពង្រឹងអំណាចគ្រួសារដើម្បីបន្តកាន់កាប់អំណាចនៅប្រទេស កម្ពុជា។
ដោយ យន់ សាមៀន
2013-07-25
2013-07-25
លោកនាយករដ្ឋមន្ត្រី ហ៊ុន សែន (ឆ្វេង)
និងកូនប្រុស លោក ហ៊ុន ម៉ាណែត។
លោក ហ៊ុន ម៉ាណែត កាលពីថ្ងៃទី៣ ខែមករា ឆ្នាំ២០១១
ត្រូវបានតែងតាំងជាមេបញ្ជាការរង
នៃបញ្ជាការដ្ឋានកងទ័ពជើងគោកនៃកង យោធពលខេមរភូមិន្ទ។
Photo courtesy of camnews.com
ការដំឡើងឋានន្តរសក្ដិដល់កូនប្រុសលោក ហ៊ុន សែន ពីរនាក់ក្នុងវិស័យការពារជាតិនេះ បានធ្វើឡើងបួនថ្ងៃមុនថ្ងៃការបោះឆ្នោតសកលដែលនឹងប្រព្រឹត្តទៅ នៅថ្ងៃទី២៨ ខែកក្កដា ខាងមុខនេះ។
ទីភ្នាក់ងារព័ត៌មាន អា.អេហ្វ.ប៉េ (AFP) រាយការណ៍ថា ព្រះរាជក្រឹត្យពីរផ្សេងគ្នាបង្ហាញថា កូនប្រុសច្បងលោក ហ៊ុន សែន គឺលោក ហ៊ុន ម៉ាណែត ត្រូវបានដំឡើងស័ក្ដិជានាយឧត្ដមសេនីយ៍។ ចំណែកលោក ហ៊ុន ម៉ាណិត ជាឧត្ដមសេនីយ៍ឯក។ លោក ហ៊ុន សែន ក៏បានដាក់បេក្ខជនកូនប្រុសពៅលោក គឺលោក ហ៊ុន ម៉ានី ជាបេក្ខជនតំណាងរាស្ត្រសម្រាប់ការបោះឆ្នោតរដ្ឋសភានីតិកាលទី៥ នេះ។
អ្នកតាមដានស្ថានការណ៍នយោបាយនៅកម្ពុជា ចាត់ទុកថា ការដំឡើងតំណែងនៅមុនពេលបោះឆ្នោតថ្ងៃទី២៨ ខែកក្កដា ខាងមុខនេះបង្ហាញថា លោក ហ៊ុន សែន កំពុងរៀបចំយុទ្ធសាស្ត្រគ្រប់គ្រងអំណាចក្នុងគណបក្សប្រជាជនកម្ពុជា និងចង់ឲ្យយោធាគាំទ្រគណបក្សប្រជាជនកម្ពុជា។
អ្នកវិភាគសង្គមឯករាជ្យ លោក កែម ឡី មានប្រសាសន៍ថា ការដំឡើងបុណ្យស័ក្ដិដោយគ្មានគុណសម្បត្តិ និងបទពិសោធន៍សមស្រប នឹងបណ្ដាលឲ្យមន្ត្រីយោធាផ្សេងទៀតបាក់ទឹកចិត្តបំពេញការងារ។ លោកបន្តទៀតថា ប្រទេសកម្ពុជា ប្រកាន់លទ្ធិប្រជាធិបតេយ្យ ហើយសន្ទុះនៃប្រជាពលរដ្ឋ ដែលចង់ឲ្យមានការផ្លាស់ប្ដូរមេដឹកនាំកំពុងកើនឡើង ដូច្នោះគម្រោងបន្ត ឬផ្ទេរអំណាចឲ្យកូន ឬក្រុមគ្រួសារទំនងជាគ្មានប្រសិទ្ធភាពឡើយ។
លោក កែម ឡី៖ «ប្រជាជនយើងមានភាពវៃឆ្លាតជាងមុន។ កាលណាប្រជាជនឆ្លាតជាងមុន ហើយមានព័ត៌មានច្រើនជាងមុន ពិបាកនឹងធ្វើនយោបាយប្រជាភិថុតិ។ ការគំរាមកំហែងសង្គ្រាម និង ប៉ុល ពត មកវិញអ្វីនោះវានឹងពិបាក»។
ការចង់ឲ្យមានការផ្លាស់ប្ដូរមេដឹកនាំនៅកម្ពុជា មិនមែនមានតែពលរដ្ឋកម្ពុជា ឡើយ។ តំណាងរាស្ត្រសហរដ្ឋអាមេរិក ក៏ស្នើឲ្យលោក ហ៊ុន សែន ចាកចេញពីតំណែងដោយសន្តិវិធីដែរ។ សមាជិកសភាតំណាងរាស្ត្រសហរដ្ឋអាមេរិក ពីខាងគណបក្សសាធារណរដ្ឋប្រចាំរដ្ឋកាលីហ្វ័រញ៉ា (California) លោក ដាណា រ៉ូរ៉ាបាឃើ (Dana Rohrabacher) កាលពីដើមខែកក្កដា បានទទូចឲ្យលោក ហ៊ុន សែន ចុះចេញពីអំណាច ដោយសារតែការប្រព្រឹត្តអំពើពុករលួយ។ លោកព្រមានថា ចលនាមហាជននៅកម្ពុជា អាចនឹងងើបឡើងធ្វើបាតុកម្មប្រឆាំងនឹងលោក ហ៊ុន សែន ប្រសិនបើលោកមិនចុះចេញពីតំណែងដោយសន្តិវិធី។
មន្ត្រីនាំពាក្យទីស្ដីការការគណៈរដ្ឋមន្ត្រី លោក ផៃ ស៊ីផាន មានប្រសាសន៍ថា ការដំឡើងបុណ្យស័ក្ដិឲ្យកូនប្រុសលោក ហ៊ុន សែន ទាំងពីរ គឺយោងតាមបទពិសោធន៍ការងារនិងគុណភាពការងារ។ លោកបន្តថា យោធានៅកម្ពុជា មិនមែនបម្រើបុគ្គលដើម្បីកាន់កាប់អំណាចផ្ដាច់ការឡើយ ប៉ុន្តែដើម្បីបម្រើប្រជាពលរដ្ឋ៖ «នៅក្នុងប្រវត្តិស្រុកខ្មែរ យោធារំលំអំណាចរដ្ឋ ឬចាត់តាំងជាអ្នកដឹកនាំរដ្ឋ លើកលែងតែនៅជំនាន់ ១៩៧០ ដែលយោធាដែលគាំទ្រដោយសហរដ្ឋអាមេរិក...»។
របាយការណ៍អង្គការ យូមែន រ៉ៃស៍ វ៉ច្ឆ (Human Rights Watch) ផ្សាយនៅដើមសប្ដាហ៍នេះរកឃើញថា កូនប្រុសលោក ហ៊ុន សែន ដែលមានតួនាទីជាន់ខ្ពស់នៅវិស័យយោធាបានឃោសនាបោះឆ្នោតឲ្យគណបក្ស ប្រជាជនកម្ពុជា រំលោភទៅនឹងអព្យាក្រឹតភាពរបស់មន្ត្រីយោធា។ ក្រៅពីបុណ្យស័ក្ដិថ្មីនេះ លោក ហ៊ុន ម៉ាណែត ក៏ជាមេបញ្ជាការរងកងទ័ពជើងគោក និងប្រធាននាយកដ្ឋានប្រឆាំងភេរវកម្មក្រសួងការពារជាតិ ចំណែកលោក ហ៊ុន ម៉ាណិត ជានាយករងនាយកដ្ឋានចារកម្មក្រសួងការពារជាតិ។
អ្នកវិភាគឲ្យដឹងថា ការដំឡើងបុណ្យស័ក្ដិនេះ គឺជាយុទ្ធសាស្ត្រដើម្បីអនុញ្ញាតឲ្យបុត្រាកូនលោក ហ៊ុន សែន ទាំងពីរអាចបន្តយកតំណែងជាន់ខ្ពស់បន្ថែមទៀតក្នុងវិស័យយោធា៕
ទីភ្នាក់ងារព័ត៌មាន អា.អេហ្វ.ប៉េ (AFP) រាយការណ៍ថា ព្រះរាជក្រឹត្យពីរផ្សេងគ្នាបង្ហាញថា កូនប្រុសច្បងលោក ហ៊ុន សែន គឺលោក ហ៊ុន ម៉ាណែត ត្រូវបានដំឡើងស័ក្ដិជានាយឧត្ដមសេនីយ៍។ ចំណែកលោក ហ៊ុន ម៉ាណិត ជាឧត្ដមសេនីយ៍ឯក។ លោក ហ៊ុន សែន ក៏បានដាក់បេក្ខជនកូនប្រុសពៅលោក គឺលោក ហ៊ុន ម៉ានី ជាបេក្ខជនតំណាងរាស្ត្រសម្រាប់ការបោះឆ្នោតរដ្ឋសភានីតិកាលទី៥ នេះ។
អ្នកតាមដានស្ថានការណ៍នយោបាយនៅកម្ពុជា ចាត់ទុកថា ការដំឡើងតំណែងនៅមុនពេលបោះឆ្នោតថ្ងៃទី២៨ ខែកក្កដា ខាងមុខនេះបង្ហាញថា លោក ហ៊ុន សែន កំពុងរៀបចំយុទ្ធសាស្ត្រគ្រប់គ្រងអំណាចក្នុងគណបក្សប្រជាជនកម្ពុជា និងចង់ឲ្យយោធាគាំទ្រគណបក្សប្រជាជនកម្ពុជា។
អ្នកវិភាគសង្គមឯករាជ្យ លោក កែម ឡី មានប្រសាសន៍ថា ការដំឡើងបុណ្យស័ក្ដិដោយគ្មានគុណសម្បត្តិ និងបទពិសោធន៍សមស្រប នឹងបណ្ដាលឲ្យមន្ត្រីយោធាផ្សេងទៀតបាក់ទឹកចិត្តបំពេញការងារ។ លោកបន្តទៀតថា ប្រទេសកម្ពុជា ប្រកាន់លទ្ធិប្រជាធិបតេយ្យ ហើយសន្ទុះនៃប្រជាពលរដ្ឋ ដែលចង់ឲ្យមានការផ្លាស់ប្ដូរមេដឹកនាំកំពុងកើនឡើង ដូច្នោះគម្រោងបន្ត ឬផ្ទេរអំណាចឲ្យកូន ឬក្រុមគ្រួសារទំនងជាគ្មានប្រសិទ្ធភាពឡើយ។
លោក កែម ឡី៖ «ប្រជាជនយើងមានភាពវៃឆ្លាតជាងមុន។ កាលណាប្រជាជនឆ្លាតជាងមុន ហើយមានព័ត៌មានច្រើនជាងមុន ពិបាកនឹងធ្វើនយោបាយប្រជាភិថុតិ។ ការគំរាមកំហែងសង្គ្រាម និង ប៉ុល ពត មកវិញអ្វីនោះវានឹងពិបាក»។
ការចង់ឲ្យមានការផ្លាស់ប្ដូរមេដឹកនាំនៅកម្ពុជា មិនមែនមានតែពលរដ្ឋកម្ពុជា ឡើយ។ តំណាងរាស្ត្រសហរដ្ឋអាមេរិក ក៏ស្នើឲ្យលោក ហ៊ុន សែន ចាកចេញពីតំណែងដោយសន្តិវិធីដែរ។ សមាជិកសភាតំណាងរាស្ត្រសហរដ្ឋអាមេរិក ពីខាងគណបក្សសាធារណរដ្ឋប្រចាំរដ្ឋកាលីហ្វ័រញ៉ា (California) លោក ដាណា រ៉ូរ៉ាបាឃើ (Dana Rohrabacher) កាលពីដើមខែកក្កដា បានទទូចឲ្យលោក ហ៊ុន សែន ចុះចេញពីអំណាច ដោយសារតែការប្រព្រឹត្តអំពើពុករលួយ។ លោកព្រមានថា ចលនាមហាជននៅកម្ពុជា អាចនឹងងើបឡើងធ្វើបាតុកម្មប្រឆាំងនឹងលោក ហ៊ុន សែន ប្រសិនបើលោកមិនចុះចេញពីតំណែងដោយសន្តិវិធី។
មន្ត្រីនាំពាក្យទីស្ដីការការគណៈរដ្ឋមន្ត្រី លោក ផៃ ស៊ីផាន មានប្រសាសន៍ថា ការដំឡើងបុណ្យស័ក្ដិឲ្យកូនប្រុសលោក ហ៊ុន សែន ទាំងពីរ គឺយោងតាមបទពិសោធន៍ការងារនិងគុណភាពការងារ។ លោកបន្តថា យោធានៅកម្ពុជា មិនមែនបម្រើបុគ្គលដើម្បីកាន់កាប់អំណាចផ្ដាច់ការឡើយ ប៉ុន្តែដើម្បីបម្រើប្រជាពលរដ្ឋ៖ «នៅក្នុងប្រវត្តិស្រុកខ្មែរ យោធារំលំអំណាចរដ្ឋ ឬចាត់តាំងជាអ្នកដឹកនាំរដ្ឋ លើកលែងតែនៅជំនាន់ ១៩៧០ ដែលយោធាដែលគាំទ្រដោយសហរដ្ឋអាមេរិក...»។
របាយការណ៍អង្គការ យូមែន រ៉ៃស៍ វ៉ច្ឆ (Human Rights Watch) ផ្សាយនៅដើមសប្ដាហ៍នេះរកឃើញថា កូនប្រុសលោក ហ៊ុន សែន ដែលមានតួនាទីជាន់ខ្ពស់នៅវិស័យយោធាបានឃោសនាបោះឆ្នោតឲ្យគណបក្ស ប្រជាជនកម្ពុជា រំលោភទៅនឹងអព្យាក្រឹតភាពរបស់មន្ត្រីយោធា។ ក្រៅពីបុណ្យស័ក្ដិថ្មីនេះ លោក ហ៊ុន ម៉ាណែត ក៏ជាមេបញ្ជាការរងកងទ័ពជើងគោក និងប្រធាននាយកដ្ឋានប្រឆាំងភេរវកម្មក្រសួងការពារជាតិ ចំណែកលោក ហ៊ុន ម៉ាណិត ជានាយករងនាយកដ្ឋានចារកម្មក្រសួងការពារជាតិ។
អ្នកវិភាគឲ្យដឹងថា ការដំឡើងបុណ្យស័ក្ដិនេះ គឺជាយុទ្ធសាស្ត្រដើម្បីអនុញ្ញាតឲ្យបុត្រាកូនលោក ហ៊ុន សែន ទាំងពីរអាចបន្តយកតំណែងជាន់ខ្ពស់បន្ថែមទៀតក្នុងវិស័យយោធា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
Subscribe to:
Post Comments
(Atom)
0 comments:
Post a Comment
Thank you for your comments!