ចូលរួមជាមួយប្លុកKFM
Popular Articles & Posts
វេបសាយកំណាព្យល្អៗ
Total Pageviews
វេបសាយខ្មែរល្អៗ
- អក្សរយើង Out Fonts
- All English Fonts
- Cambodia Piece
- Installing Khmer Unicode Zip files
- Khmer-Kulturzentrum
- Looks great in 90 days exercise
- Ratanak Angkor Khmer Font
- កម្ពុជាថ្មី Kampuchea Tmey
- ជាជនជាតិខ្មែរ Khmer Be
- CambodianGuide
- បណ្ដុំនៃគំរូតួអក្សរខ្មែរ សំរាប់អ្នក
- មើលកុន Khmer Avenue
- មើលកុន ២៤ ម៉ោង Khmer 24 hrs movies
- មើលកុនគ្រប់ប្រភេទ TrovJet
- សរសេរជាភាសាខ្មែរ ប្រកបនឹងពន្យល់អត្តន័យ
- ស្តាប់ចំរៀងនៅ ចូលចិត្ត
- ស្តាប់នឹងទាញយកចំរៀងខ្មែរ Khmer Songs
វចនានុក្រម
គេហទំពរសម្រាប់រៀន IT
អត្តបទទាក់ទង់រឿងសុខភាព
កំណាព្យ Poems
អានរឿងនិទាន
Powered by Blogger.
Monday, July 29, 2013
អង្គការតម្លាភាពកម្ពុជាប្រកាសពីភាពមិនប្រក្រតីធំ៣ ក្នុងដំណើរ ការបោះឆ្នោត
(រូបភាពឯកសារ)
RFI/Siv Channa
ដោយ រិទ្ធិ ម៉ូនីកា rfi
ការបោះឆ្នោតខុសច្បាប់ ត្រូវបានអនុញ្ញាត។ នេះបើយោងតាមការសង្កេតការណ៍របស់អង្គការតម្លាភាពកម្ពុជា។ កាលពីរសៀលថ្ងៃច័ន្ទនេះ អង្គការតម្លាភាពកម្ពុជាបានធ្វើសន្និសីទកាសែតមួយ ដែលបានបង្ហាញពីរបាយការណ៍នៃការសង្កេតការណ៍បោះឆ្នោត ឆ្នាំ ២០១៣នេះ។ ដូចគ្នានឹងសង្គមស៊ីវិលដទៃទៀត ក្នុងការបោះឆ្នោតអណត្តិទី៥នេះ អង្គការតម្លាភាពក៏បានរកឃើញភាពអយុត្តិធម៌កើតមានឡើង។
អង្គការតម្លាភាពកម្ពុជា បានអោយដឹង ដោយផ្អែកលើការសង្កេតការណ៍របស់ខ្លួនថា នៅថ្ងៃបោះឆ្នោត ភាពមិនប្រក្រតីធំ៣ បានកើតមានឡើងក្នុងដំណើរការបោះឆ្នោត។
ភាពមិនប្រក្រតីទី១ គឺ ការអនុញ្ញាតអោយប្រជាពលរដ្ឋមួយចំនួនដែលគ្មានឯកសារអត្តសញ្ញាណ មានសិទ្ធិបោះឆ្នោត ដែលទង្វើនេះផ្ទុយនឹងច្បាប់បោះឆ្នោត។ ពិសេស កត្តានេះមានទំនាក់ទំនងនឹងរបកគំហើញរបស់ប្រភពឯករាជ្យដែលរកឃើញថា មានឈ្មោះលើសនៅក្នុងបញ្ជីបោះឆ្នោតនិងឈ្មោះស្ទួន ដល់ទៅជាងកន្លះលាននាក់។ ភាពមិនប្រក្រតីនេះ ធ្វើអោយប្រជាពលរដ្ឋដែលមិនអាចបោះឆ្នោតបាន មិនសប្បាយចិត្ត ដែលវាជាហេតុបណ្តាលអោយមានការខឹងសម្បារ និងភាពចលាចលក្នុងការរិយាលយ័បោះឆ្នោត។ នេះបើយោងតាមការអោយដឹងនៅក្នុង សេចក្តីថ្លែងការណ៍របស់អង្គការតម្លាភាព នៅរសៀលថ្ងៃចន្ទទី២៩ កក្កដា។
ភាពមិនប្រក្រតីទី២គឺ ប្រជាជនដែលមានឯកសារអត្តសញ្ញាណត្រឹមត្រូវមួយចំនួន បែរជាមិនអាចបោះឆ្នោតបាន ដោយសារគ្មានឈ្មោះបោះឆ្នោត រីឯអ្នកខ្លះវិញមានឈ្មោះហើយ ប៉ុន្តែពេលទៅបោះឆ្នោត ស្រាប់តែឈ្មោះរបស់ពួកគេត្រូវបាន គេបោះឆ្នោតជំនួសរួចទៅហើយ។
ភាពមិនប្រក្រតីទី៣ គឺ ការបោះឆ្នោតដោយប្រើប្រាស់បណ្ណពត៌មានអ្នកបោះឆ្នោត រឺហៅថាបណ្ណខៀវ ត្រូវបានអនុវត្តយ៉ាងទូលំទូលាយ ដែលនេះក៏គឺជាបញ្ហាមួយដែរ ដែលធ្វើអោយខ្វះតម្លាភាពក្នុងការបោះឆ្នោត។
ភាពមិនប្រក្រតីទី៣ គឺ ការបោះឆ្នោតដោយប្រើប្រាស់បណ្ណពត៌មានអ្នកបោះឆ្នោត រឺហៅថាបណ្ណខៀវ ត្រូវបានអនុវត្តយ៉ាងទូលំទូលាយ ដែលនេះក៏គឺជាបញ្ហាមួយដែរ ដែលធ្វើអោយខ្វះតម្លាភាពក្នុងការបោះឆ្នោត។
អង្គការតម្លាភាពបានអោយដឹងថា ជាលទ្ធផល វត្តមានរបស់អ្នកបោះឆ្នោតក្នុងអណត្តិទី៥នេះ មានចំនួន៦៩% នៃអ្នកបោះឆ្នោតដែលបានចុះឈ្មោះ បើប្រៀបធៀបទៅនឹងឆ្នាំ២០០៨ មាន ចំនួន ៧៥,២១% ៕
Subscribe to:
Post Comments
(Atom)
0 comments:
Post a Comment
Thank you for your comments!