ចូលរួមជាមួយប្លុកKFM

ហ្វេសប៊ុកពត៌មានខ្មែរសិរី

VISITOR

Flag Counter

Total Pageviews

ព្រះពុទ្ធសាសនា

ព្រះមហា​បណ្ឌិត​ ហុក សាវណ្ណ​ 1 2
ព្រះតេជគុណ​ សាន សុជា 1 2

អានរឿងនិទាន

Powered by Blogger.
Saturday, September 7, 2013
គណបក្ស​សង្គ្រោះ​ជាតិ ចាប់​ផ្ដើម​ធ្វើ​មហា​បាតុកម្ម​អហិង្សា​របស់​ខ្លួន នៅ​ព្រឹក​ថ្ងៃ​ទី​៧ ខែ​កញ្ញា ដូច​ការ​គ្រោង​ទុក ដែល​មាន​​ប្រជាពលរដ្ឋ​និង​ព្រះសង្ឃ ចូល​រួម​​ប្រមាណ​ជាង ៣​​ម៉ឺន​នាក់ នៅ​ទីលាន​ប្រជាធិបតេយ្យ រាជធានី​ភ្នំពេញ។
ដោយ វិទ្យុ អាស៊ីសេរី
2013-09-07
បាតុករ សង្គ្រោះ​ជាតិ ៦១០
ទិដ្ឋភាព​អ្នក​ចូល​រួម​ធ្វើ​មហា​បាតុកម្ម​អហិង្សា​របស់​គណបក្ស​ សង្គ្រោះ​ជាតិ​នៅ​ទីលាន​ប្រជាធិបតេយ្យ នៅ​ព្រឹក​ថ្ងៃ​ទី​៧ កញ្ញា ឆ្នាំ​២០១៣។
RFA
ក្នុង​ការ​ជួប​ជុំ​នៅ​ទីលាន​ប្រជាធិបតេយ្យ​នេះ ថ្នាក់​ដឹកនាំ​គណបក្ស​ប្រឆាំង ព្រមាន​ថា បាតុកម្ម​នឹង​មាន​ជា​បន្តបន្ទាប់​ទៀត បើ​សិន​ពុំ​មាន​ការ​បង្កើត​គណៈកម្មការ​ចម្រុះ​ឯករាជ្យ ដើម្បី​ធ្វើ​ការ​ស៊ើប​អង្កេត និង​ដោះស្រាយ​ពី​ភាព​មិន​ប្រក្រតី​នៃ​ការ​បោះ​ឆ្នោត​ទេ ហើយ គ.ជ.ប នៅ​តែ​ប្រកាស​លទ្ធផល​បោះ​ឆ្នោត​ផ្លូវការ នៅ​ថ្ងៃ​ទី​៨ ខែ​កញ្ញា តាម​នីតិវិធី​នោះ។

 ចំណែក​ឯ​ប្រជាពលរដ្ឋ​ដែល​ចូល​រួម​ក្នុង​មហា​បាតុកម្ម បាន​គាំទ្រ​ញត្តិ​របស់​គណបក្ស​សង្គ្រោះ​ជាតិ ទាមទារ​ភាព​យុត្តិធម៌​ជុំវិញ​លទ្ធផល​ឆ្នោត ហើយ​បើ​សិន​ជា​ញត្តិ​ដែល​អនុម័ត​ដោយ​សំឡេង​មហាជន​រាប់​ម៉ឺន​នោះ មិន​ត្រូវ​បាន​ដោះស្រាយ ពួកគេ​នឹង​បន្ត​ចូល​រួម​ធ្វើ​បាតុកម្ម​ជាមួយ​គណបក្ស​សង្គ្រោះ​ជាតិ​បន្ត​ ទៀត។

គណបក្ស​សង្គ្រោះ​ជាតិ​​ធ្វើ​មហា​បាតុកម្ម​អហិង្សា​ប្រឆាំង​លទ្ធផល​ឆ្នោត

គណបក្ស​សង្គ្រោះ​ជាតិ ចាប់​ផ្ដើម​ធ្វើ​មហា​បាតុកម្ម​អហិង្សា​របស់​ខ្លួន នៅ​ព្រឹក​ថ្ងៃ​ទី​៧ ខែ​កញ្ញា ដូច​ការ​គ្រោង​ទុក ដែល​មាន​​ប្រជាពលរដ្ឋ​និង​ព្រះសង្ឃ ចូល​រួម​​ប្រមាណ​ជាង ៣​​ម៉ឺន​នាក់ នៅ​ទីលាន​ប្រជាធិបតេយ្យ រាជធានី​ភ្នំពេញ។
ដោយ វិទ្យុ អាស៊ីសេរី
2013-09-07

បាតុករ សង្គ្រោះ​ជាតិ ៦១០
ទិដ្ឋភាព​អ្នក​ចូល​រួម​ធ្វើ​មហា​បាតុកម្ម​អហិង្សា​របស់​គណបក្ស​ សង្គ្រោះ​ជាតិ​នៅ​ទីលាន​ប្រជាធិបតេយ្យ នៅ​ព្រឹក​ថ្ងៃ​ទី​៧ កញ្ញា ឆ្នាំ​២០១៣។
RFA
ក្នុង​ការ​ជួប​ជុំ​នៅ​ទីលាន​ប្រជាធិបតេយ្យ​នេះ ថ្នាក់​ដឹកនាំ​គណបក្ស​ប្រឆាំង ព្រមាន​ថា បាតុកម្ម​នឹង​មាន​ជា​បន្តបន្ទាប់​ទៀត បើ​សិន​ពុំ​មាន​ការ​បង្កើត​គណៈកម្មការ​ចម្រុះ​ឯករាជ្យ ដើម្បី​ធ្វើ​ការ​ស៊ើប​អង្កេត និង​ដោះស្រាយ​ពី​ភាព​មិន​ប្រក្រតី​នៃ​ការ​បោះ​ឆ្នោត​ទេ ហើយ គ.ជ.ប នៅ​តែ​ប្រកាស​លទ្ធផល​បោះ​ឆ្នោត​ផ្លូវការ នៅ​ថ្ងៃ​ទី​៨ ខែ​កញ្ញា តាម​នីតិវិធី​នោះ។
សូម​ស្ដាប់​សេចក្ដី​រាយការណ៍​របស់​អ្នក​យក​ព័ត៌មាន​វិទ្យុ​អាស៊ីសេរី គឺ​លោក វណ្ណ វិចារ អ្នកស្រី ខែ សុណង និង អ្នកស្រី ទេព សុរ៉ាវី ដែល​បាន​ចុះ​យក​ព័ត៌មាន​ផ្ទាល់​ពី​មហា​បាតុកម្ម​នេះ៖


ចំណែក​ឯ​ប្រជាពលរដ្ឋ​ដែល​ចូល​រួម​ក្នុង​មហា​បាតុកម្ម បាន​គាំទ្រ​ញត្តិ​របស់​គណបក្ស​សង្គ្រោះ​ជាតិ ទាមទារ​ភាព​យុត្តិធម៌​ជុំវិញ​លទ្ធផល​ឆ្នោត ហើយ​បើ​សិន​ជា​ញត្តិ​ដែល​អនុម័ត​ដោយ​សំឡេង​មហាជន​រាប់​ម៉ឺន​នោះ មិន​ត្រូវ​បាន​ដោះស្រាយ ពួកគេ​នឹង​បន្ត​ចូល​រួម​ធ្វើ​បាតុកម្ម​ជាមួយ​គណបក្ស​សង្គ្រោះ​ជាតិ​បន្ត​ ទៀត។
សូម​ស្ដាប់​សេចក្ដី​រាយការណ៍​របស់​លោក សេក បណ្ឌិត ជុំវិញ​មតិ​របស់​ប្រជាពលរដ្ឋ​នេះ៖


មហា​បាតុកម្ម​​ប្រព្រឹត្ត​​ទៅ​ដោយ​​គ្មាន​ការ​រំខាន
មហា​បាតុកម្ម​អហិង្សា​ដឹកនាំ​ដោយ​គណបក្ស​សង្គ្រោះ​ជាតិ ដើម្បី​ទាមទារ​រក​យុត្តិធម៌​ជូន​ម្ចាស់​ឆ្នោត​បាន​បញ្ចប់​ដោយ​គ្មាន​បញ្ហា​ ប្រឈម​មុខ​រវាង​ក្រុម​បាតុករ និង​សមត្ថកិច្ច​ទេ នៅ​វេលាម៉ោង ១២​ថ្ងៃ​ត្រង់។ ប៉ុន្តែ​​កម្លាំង​ចម្រុះ​របស់​រដ្ឋាភិបាល​ត្រូវ​បាន​គេ​ដាក់​ពង្រាយ​តាម​ ផ្លូវ ឬ​តាម​ច្រក​ចេញ​ចូល​ទាំង​នៅ​ជាយក្រុង និង​ក្នុង​រាជធានី​ភ្នំពេញ។
ប៉ូលិស​​ចរាចរណ៍ ៦១០
ប៉ូលិស​សម្រួល​ចរាចរណ៍​នៅ​ក្បែរ​ទីលាន​ប្រជាធិបតេយ្យ នៅ​ព្រឹក​ថ្ងៃ​៧ កញ្ញា ឆ្នាំ​២០១៣។ RFA/Den Ayuthyea

លោក អេង ឆៃអ៊ាង បេក្ខជន​តំណាងរាស្ត្រ​គណបក្ស​សង្គ្រោះ​ជាតិ ដែល​មាន​វត្តមាន​ក្នុង​ពិធី​ធ្វើ​មហា​បាតុកម្ម បាន​វាយ​តម្លៃ​ថា ការ​ប្រមូល​ផ្តុំ​មាន​សន្តិសុខ សុវត្ថិភាព​ល្អ។
លោក​កត់​សម្គាល់​ថា ប៉ូលិស​ចរាចរណ៍​បាន​ចូលរួម​ជួយ​សម្រួល​ឲ្យ​យានយន្ត​បើកបរ ឬ​ជួយ​ធ្វើ​ចរាចរណ៍​ដល់​អ្នក​មក​ចូល​រួម​មហា​បាតុកម្ម​ដោយ​ស្មារតី​ទទួល​ខុស ​ត្រូវ​ខ្ពស់​រហូត​ដល់​ចប់​កម្មវិធី៖ «សន្តិសុខ​មាន​សុវត្ថិភាព​ល្អ ហើយ​ដោយសារ​ប្រជាពលរដ្ឋ​ខ្មែរ​លោក​មាន​សីលធម៌​ថ្លៃថ្នូរ​ណាស់។ អ្នក​ខ្លះ​ចេះ​តែ​ភ័យ​ព្រួយ​ខ្លាច​មាន​ហិង្សា​អី​ហ្នឹង។ ហិង្សា​កុំ​ឲ្យ​មាន​ម្ខាង​ទៀត​ដុត បើ​អ្នក​ចូល​រួម​នៅ​ក្នុង​បាតុកម្ម​នេះ​គាត់​មាន​ទឹក​ចិត្ត​ត្រជាក់ អត់​មាន​ក្ដៅ​ទេ ហើយ​យើង​ឃើញ​អ្នក​ស្ម័គ្រចិត្ត អ្នក​មក​ជួយ​ធ្វើ​ចរាចរណ៍​សន្តិសុខ ហើយ​យើង​ឃើញ​ប៉ូលិស​ក៏​បាន​ជួយ​ដែរ។ ជួយ​សណ្ដាប់ធ្នាប់»
លោក អេង ឆៃអ៊ាង បាន​សំណូមពរ​ដល់​សមត្ថកិច្ច​ចម្រុះ​ឲ្យ​បន្ត​សកម្មភាព​ល្អ និង​លះបង់​ទង្វើ​​​គំរាម​កំហែង​ពលរដ្ឋ​ខ្លួន​នា​ថ្ងៃ​អនាគត។
ប្រជាពលរដ្ឋ​ម្នាក់​រស់​នៅ​រាជធានី​ភ្នំពេញ​ ឈ្មោះ ជុន រ៉ាវុធ ស្ថិត​ក្នុង​ចំណោម​បាតុករ​រាប់​ម៉ឺន​នាក់​ដែល​​ចូល​រួម​មហា​​បាតុកម្ម ក៏​បាន​ចាត់​ទុក​ការ​ប្រមូល​ផ្ដុំ​មាន​របៀប​រៀបរយ​ល្អ ជា​ពិសេស​លោក​​កោត​សរសើរ​សកម្មភាព​ការងារ​ប៉ូលិស​ដែល​បាន​ជួយ​សម្រួល​ ចរាចរណ៍​បាន​ល្អ និង​គ្មាន​ការ​កកស្ទះ៖ «ចរាចរណ៍​មាន​ការ​សម្រួល​ពី​ ប៉ូលិស និង​កងរាជអាវុធហត្ថ បាន​ជួយ​សម្រួល​ដល់​ប្រជាពលរដ្ឋ​ធ្វើ​ដំណើរ​ដោយ​រលូន អត់​មាន​ការ​កក​ស្ទះ​ទេ។ អនាគត​ទៅ​សូម​ឲ្យ​រដ្ឋាភិបាល​ជួយ​សម្រួល​បញ្ហា​ចរាចរណ៍​ឲ្យ​បាន​រលូន​ សម្រាប់​ប្រជាពលរដ្ឋ​ទូទៅ​ឲ្យ​បាន​ប្រសើរ​ដូច​នេះ​រហូត»
យ៉ាងណា​ក៏ដោយ កម្លាំង​ប្រដាក់​អាវុធ​ចម្រុះ​របស់​រដ្ឋាភិបាល​មាន​ដូចជា៖ កម្លាំង​បង្ក្រាប​បាតុករ​មាន​បំពាក់​ខែល ឬ​ដំបង​ឆក់ ឡាន​បាញ់​ទឹក បន្លា​លួស ឬ​រនាំង​ដែក និង​អាវុធ​បាញ់​ឧស្ម័ន​បង្ហូរ​ទឹក​ភ្នែក ឬ​អាវុធ​គីមី​​ជាដើម ត្រូវ​គេ​​ដាក់​ពង្រាយ​នៅ​តាម​ផ្លូវ ឬ​​តាម​ទីតាំង​សំខាន់ៗ ក្នុង​ទីក្រុង​ទុក​ជា​ស្រេច។ ជាង​នេះ មន្ត្រី​ប៉ូលិស​ក្រសួង​មហាផ្ទៃ​ បាន​បញ្ជា​តាម​វិទ្យុ​ទាក់ទង ឬ​អាយឌី ទៅ​សមត្ថកិច្ច​ក្រោម​ឱវាទ​ខ្លួន​ថា ត្រូវ​ប្រចាំ​​​ការ​តាម​គោលដៅ​រៀងៗ​ខ្លួន​ជាប់​ជា​ប្រចាំ។
ប៉ូលិស​មិន​បង្ហាញ​អត្តសញ្ញាណ​បាន​ឲ្យ​ដឹង​ថា បាតុករ ឬ​ព្រះសង្ឃ​មក​ពី​បណ្ដា​ខេត្ត​ផ្សេងៗ ដែល​បាន​មក​ចូល​​​​​រួម​​​​​ធ្វើ​​មហា​បាតុកម្ម​ត្រូវ​បាន​ថ្នាក់លើ​ខ្លួន​ បញ្ជា ឲ្យ​ដាក់​កម្លាំង​តាមដាន និង​ត្រូវ​ថត​រូប​យានជំនិះ ឬ​ស្លាក​លេខ​​​រហូត​ដល់​មូលដ្ឋាន​ពួកគេ។
យ៉ាង​នេះ​ក្តី សមត្ថកិច្ច​ចម្រុះ​ដែល​ដាក់​ពង្រាយ​នៅ​ជុំវិញ​បរិវេណ​ទីលាន​ប្រជាធិបតេយ្យ និង​ទីតាំង​​តាម​ផ្លូវ​នានា​ ក្នុង​ទីក្រុង​ភ្នំពេញ មិន​មាន​បំពាក់​អាវុធ​ទេ ប៉ុន្តែ​កម្លាំង​ដាក់​ពង្រាយ​នៅ​តាម​គោលដៅ​ជាយ​ក្រុង ឬ​ខ្សែ​ក្រវាត់​ក្រុង ឃើញ​មាន​បំពាក់​អាវុធ​និង​គ្រាប់​រំសេវ​ជាប់​ខ្លួន។
សមត្ថកិច្ច​កង​រាជ​អាវុធហត្ថ​ ឬ​កម្លាំង​ប៉េអឹម ដែល​ឈរ​ប្រចាំការ​តាម​គោលដៅ​នានា បាន​បដិសេធ​មិន​ធ្វើ​អត្ថាធិប្បាយ​ទេ ដោយ​និយាយ​ខ្លី​ថា វត្តមាន​ពួកគេ​គឺ​ធ្វើ​តាម​បញ្ជា​មេ និង​មាន​សមត្ថកិច្ច​ខ្លះ​ត្រូវ​បញ្ជូន​ពី​តាម​ខេត្ត​ផ្សេងៗ។
ទោះ​យ៉ាង​ណា មន្ត្រី​ការពារ​សិទ្ធិ​មនុស្ស​មក​ពី​ច្រើន​ស្ថាប័ន ដែល​បាន​ចុះ​អង្កេត​​ស្ថានការណ៍​ធ្វើ​មហា​បាតុកម្ម​របស់​​គណបក្ស​សង្គ្រោះ​ ជាតិ បាន​វាយ​តម្លៃ​ថា មិន​មាន​អំពើ​ហិង្សា ឬ​ការ​ប្រឈម​មុខ​ដាក់​​គ្នា​រវាង​អ្នក​ចូល​រួម​ជាមួយ​សមត្ថកិច្ច​ទេ។ ប៉ុន្តែ​បាន​អះអាង​ថា នឹង​ចាត់​ទីភ្នាក់ងារ​ឲ្យ​តាម​ដាន​ពលរដ្ឋ​ដែល​បាន​មក​ចូល​រួម​ដល់​មូលដ្ឋាន​ ពួកគេ​ថែម​ទៀត ព្រោះ​បារម្ភ​ពី​ការ​គំរាមកំហែង​ណា​មួយ​កើត​ឡើង។
បញ្ហា​​អនាម័យ​និង​សុខភាព​អ្នក​ចូលរួម​បាតុកម្ម
មាន​មនុស្ស​ជា​ច្រើន​មក​ពី​តាម​បណ្ដា​ខេត្ត​ក្រុង​នានា មក​ចូល​រួម​ធ្វើ​មហា​បាតុកម្ម ហើយ​ការ​ចូល​រួម​នេះ ក៏​មាន​មនុស្ស​ខ្លះ​ឈឺ ខ្លះ​ចោល​សំរាម​ពាសពេញ​ទីលាន​ប្រជាធិបតេយ្យ។ ទោះ​ជា​យ៉ាង​ណា ក្រុម​អ្នក​ស្ម័គ្រចិត្ត​គណបក្ស​សង្គ្រោះ​ជាតិ និង​ក្រុម​និស្សិត​ពេទ្យ បាន​ចូល​រួម​ព្យាបាល​អ្នក​ជំងឺ​ផង និង​បាន​ប្រមូល​សំរាម​ក្រោយ​ការ​ចាកចេញ​របស់​បាតុករ​ពី​ទីលាន​ប្រជាធិបតេយ្យ ​ផង។

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


 

0 comments:

Post a Comment

Thank you for your comments!

ឧបត្ថម្ភដោយ ក្រុមហ៊ុនតេឡេខំម្ញូណេត្សិន
សេវាកម្មទូរស័ព្ទផ្ទះផ្តល់ជួនតម្លៃពិសេសនិងអាចតេទៅកាន់80ប្រទេស ដោយគ្មានកំណត់⁣ ថែមទាំងលោកអ្នកអាចប្រើមិនគិតថ្លៃ បើលោកអ្នករកបានអតិថិជនដែលប្រើសេវាកម្មដូចគ្នាបាន៥នាក់សម្រាប់អតិថិជននៅក្នុងប្រទេសទាំងនេះ

សូមចុចតាមប្រទេសលោកអ្នករស់នៅ ដើម្បីពត៌មានបន្ថែមឬក៍ជាវ

សហរដ្ឋអាមេរិក
កាណាដា
អូស្រ្តាលី
បារាំង
​​​​​​​​​​​​​​​​​​កូរ៉េខាងត្បូង
និងប្រទេសជាច្រើនទៀត