ហ្វេសប៊ុកពត៌មានខ្មែរសិរី
VISITOR
វេបសាយខ្មែរល្អៗ
គេហទំពរសម្រាប់រៀន IT
Wednesday, September 11, 2013
បន្ទាប់ពីទទួលព្រះរាជដំណើរព្រះមហាក្សត្រ សម្តេច ហ៊ុន សែន លោក សមរង្ស៊ី និងលោក កឹម សុខា មិនបានចាប់ដៃ និងមិនជួបគ្នាទេ
(ថ្ងៃទី 11 កញ្ញា 2013, ម៉ោង 04:31:PM) | ដោយ: មុនីរាជ CEN
ភ្នំពេញ: ក្រោយពីទទួលព្រះរាជដំណើររបស់ព្រះករុណា ព្រះមហាក្សត្ររួចមក សម្តេចហ៊ុនសែន លោកសមរង្ស៊ី និងលោក កឹម សុខា មិនបានសម្តែងគារវកិច្ច ចាប់ដៃគ្នាទេ។ ថ្នាក់ដឹកនាំទាំងបី បានបែកផ្លូវគ្នា ឡើងឡាន បើកចេញរៀងខ្លួន បន្ទាប់ពីព្រះមហាក្សត្រ និងសម្តេចម៉ែ ឡើងព្រះទីនាំង ចាកចេញពីព្រលានយន្តហោះអន្តរជាតិភ្នំពេញ។
ជាការកត់សម្គាល់ នៅម៉ោង ៤ រសៀលនេះ ព្រះករុណា ព្រះមហាក្សត្រ និងសម្តេចម៉ែ បានយាងនិវត្ត ដល់ព្រលានយន្តហោះអន្តរជាតិភ្នំពេញហើយ។ សម្តេច ហ៊ុន សែន សម្តេចហេងសំរិន រួមទាំងថ្នាក់ដឹកនាំកំពូលៗរបស់ព្រឹទ្ធសភា រដ្ឋសភា រាជរដ្ឋាភិបាល និងព្រះរាជវង្សានុវង្ស រួមទាំងលោកសមរង្ស៊ី លោកកឹមសុខា និងថ្នាក់ដឹកនាំគណបក្សនយោបាយជាច្រើនរូប បានទទួលព្រះរាជដំណើររបស់ព្រះករុណា។
នៅព្រលានយន្តហោះ កាលពីម៉ោងជាង ៣ រសៀលនេះ ក្នុងពេលរង់ចាំព្រះរាជដំណើររបស់ព្រះករុណា ព្រះមហាក្សត្រ លោកសមរង្ស៊ី លោក កឹមសុខា និងសម្តេចហ៊ុនសែន បានចូលក្នុងបន្ទប់រង់ចាំ VIP រួមគ្នា។ តែគេមិនដឹងថា មេដឹកនាំគណបក្សប្រជាជនកម្ពុជា និងគណបក្សសង្គ្រោះជាតិ ឆ្លៀតពេលជួបពិភាក្សាបញ្ហានយោបាយជាមួយគ្នា ឬយ៉ាងណាទេ។
នៅពេលឈរទទួលព្រះរាជដំណើររបស់ព្រះមហាក្សត្រ នៅព្រលានយន្តហោះ ក្រុមរបស់លោកសមរង្ស៊ី និងលោកកឹមសុខា ក្នុងនាមគណបក្សសង្គ្រោះជាតិ បានឈរនៅម្ខាង ហើយក្រុមមន្ត្រីគណបក្សប្រជាជនកម្ពុជារបស់សម្តេច ហ៊ុន សែន ឈរនៅម្ខាង។
ក៏ប៉ុន្តែមុនពេលព្រះរាជដំណើររបស់ព្រះករុណា យាងមកដល់ នៅម៉ោងជាង ៣ រសៀល សម្តេច ហ៊ុន សែន លោកសមរង្ស៊ី និងលោកកឹមសុខា បានចូលក្នុងបន្ទប់ VIP រួមគ្នា។
យ៉ាងណាក៏ដោយ លោកសមរង្ស៊ី បានបញ្ជាក់ប្រាប់ក្រុមអ្នកកាសែត មុនពេលលោក ចាកចេញពីព្រលានយន្តហោះថា នៅក្នុងបន្ទប់ VIP មុននេះ គឺលោក រួមទាំងលោក កឹមសុខា មិនបានជួបសម្តេចហ៊ុនសែនទេ។ លោក មកព្រលានយន្តហោះពេលនេះ ក្នុងគោលបំណងតែមួយគត់ គឺទទួលព្រះរាជដំណើររបស់ព្រះករុណា ព្រះមហាក្សត្រ និងសម្តេចម៉ែតែប៉ុណ្ណោះ៕
Subscribe to:
Post Comments
(Atom)
0 comments:
Post a Comment
Thank you for your comments!