ចូលរួមជាមួយប្លុកKFM

ហ្វេសប៊ុកពត៌មានខ្មែរសិរី

VISITOR

Flag Counter

Total Pageviews



ព្រះពុទ្ធសាសនា

ព្រះមហា​បណ្ឌិត​ ហុក សាវណ្ណ​ 1 2
ព្រះតេជគុណ​ សាន សុជា 1 2

អានរឿងនិទាន

Powered by Blogger.
Showing posts with label News. Show all posts
Showing posts with label News. Show all posts
Wednesday, August 13, 2014
ព្រះសង្ឃ​ខ្មែរក្រោម​និង​បាតុករ​ស្មឹងស្មាធិ៍​​​អស់​រយៈ​ពេល​៥​នាទី​ក្នុង​អំឡុង​បាតុកម្ម​នៅ​មុខ​ស្ថានទូត​វៀតណាម​នៅ​ក្រុង​ភ្នំពេញ​កាល​ពី​ថ្ងៃ​ពុធ​ទី​១៣ ខែ​សីហា ឆ្នាំ​២០១៤។
ព្រះសង្ឃ​ខ្មែរក្រោម​និង​បាតុករ​ ស្មឹងស្មាធិ៍​​​អស់​រយៈ​ពេល​៥​នាទី​ក្នុង​អំឡុង​បាតុកម្ម​នៅ​មុខ​ស្ថានទូត​ វៀតណាម​នៅ​ក្រុង​ភ្នំពេញ​កាល​ពី​ថ្ងៃ​ពុធ​ទី​១៣ ខែ​សីហា ឆ្នាំ​២០១៤។

ហេង រស្មី
13 សីហា 2014
វីអូអេខ្មែរ
ភ្នំពេញ—
បាតុកម្ម​របស់​ព្រះ​សង្ឃ​និង​សមាគម​ខ្មែរ​កម្ពុជា​ក្រោម​ចំនួន​បី​ថ្ងៃ​នៅ​ ពី​មុខ​ស្ថានទូត​វៀតណាម​បាន​បញ្ចប់​ហើយ​ដោយ​គ្មាន​មន្ត្រី​ស្ថានទូត​ណា​ ម្នាក់​ចេញ​មក​ទទួល​ញាត្តិ​របស់​ក្រុម​បាតុករ​ទេ។
​ក្រុម​បាតុករ​ប្រមាណ​រាប់​រយ​នាក់​បាន​មក​ប្រមូល​ផ្តុំ​គ្នា ​ចាប់​តាំង​ពី​ថ្ងៃ​ច័ន្ទ​រហូត​ដល់​ថ្ងៃ​ពុធ​នេះ​ដើម្បី​ទាមទារ​ឲ្យ​មន្ត្រី ​ស្ថានទូត​វៀត​ណាម​ចេញ​មុខ​មក​សុំ​ទោស​និង​ទទួល​ញាត្តិ​របស់​ខ្លួន។ ​បន្ទាប់​ពី​មានមន្ត្រី​ស្ថានទូត​ម្នាក់បាន​និយាយ​ថា​ទឹកដី​ខ្មែរ​កម្ពុជា​ ក្រោម​ជា​របស់​ប្រទេស​វៀតណាម​តាំង​ពី​យូរ​មក​ហើយ។​
បាតុករ​ម្នាក់​ស្រែក​ថា៖ «ឲ្យ​ទ្រឹង វ៉ាន់ថុង ទ្រឹង វ៉ាន់​ថុង​ យួន​សុទ្ធសាធ​ហ្នឹង​មក​សុំ​ទោស​បង​ប្អូន​ខ្មែរ​នៅ​ទី​នេះ។ មែន​មិន​មែនៗៗ?»។​
ក្រុម​បាតុករ​ដោយ​មាន​ការ​ចូល​រួម​ពី​ព្រះ​សង្ឃ​ខ្មែរ​កម្ពុជាក្រោម​បាន​ កាន់​ទង់​ជាតិ​ខ្មែរ​កម្ពុជា​ក្រោម​ និង​ទង់​ព្រះរាជាណាចក្រ​កម្ពុជា​មក​តវ៉ា​នៅ​ពី​មុខ​ស្ថានទូត​វៀតណាម​ចំនួន​ បី​ថ្ងៃ​ក្រោម​ការ​ឃ្លាំ​មើល​ពី​កង​កម្លាំង​មាន​សមត្ថកិច្ច។​
ផ្លូវ​ព្រះ​មុន្នីវង្ស​មួយ​កំណាត់​ពី​មុខ​ស្ថានទូត​វៀតណាម​ត្រូវ​បាន​បិទ ​និង​មាន​ការ​ដាក់​ពង្រាយ​ពី​កង​កម្លាំង​មាន​សមត្ថកិច្ច​ជា​ច្រើន​នាក់​ ដើម្បី​ការពារ​សុវត្ថិភាព​ស្ថានទូត។ ក៏ប៉ុន្តែ​រយៈ​ពេល​បី​ថ្ងៃ​នេះ​មិន​មាន​ការ​ប៉ះ​ទង្គិច​ណា​មួយ​បាន​កើត​ឡើង​ ទេ​រវាង​ក្រុម​បាតុករ​និង​កង​កម្លាំង​មាន​សមត្ថកិច្ច។​
ស្ត្រី​ម្នាក់​មក​ពី​ទឹក​ដី​ខ្មែរ​កម្ពុជា​ក្រោម​មាន​ប្រសាសន៍​ថា​ ទឹក​ដី​ខ្មែរ​កម្ពុជា​ក្រោម​ជា​ទឹក​ដី​របស់​ប្រទេស​កម្ពុជា។​ ហើយ​អ្វី​ដែល​ជា​ការ​អះអាង​របស់​មន្ត្រី​វៀតណាម​ថា ​ជា​កម្មសិទ្ធិ​របស់​ប្រទេស​វៀតណាម​តាំង​ពី​ដើម​មក​នោះ​គឺ​ជា​ការ​បំភ្លៃ​ ប្រវត្តិសាស្ត្រ។​
ស្ត្រី​ម្នាក់​នោះ​និយាយ​ថា៖​ «ពីព្រោះ​អ្វី​លោក​ ទ្រឹង វ៉ាន់​ថុង​ ថា​ជា​ទឹក​ដី​របស់វា។ ប៉ុន្តែ​ទឹក​ដី​នេះ​យូរ​អង្វែង​មក​ហើយ​ពី​សតវត្ស​ទី​មួយ​របស់​ខ្មែរ​កម្ពុជា ​ក្រោម​អ្នក​ដែល​ម្ចាស់​ដើម​កំណើត។ ​ហើយ​ដល់​ពេល​នេះ​ខ្ញុំ​មក​ទាមទារ​ឲ្យ​ទ្រឹង​ វ៉ាន់ថុង​ ហ្នឹង​វា​ត្រូវ​មក​សុំ​ទោស​ខ្មែរ»។​
កាល​បី​ថ្ងៃ​អង្គារ ក្រុម​បាតុករ​ដែល​ពោរពេញ​ទៅ​ដោយ​កំហឹង​បាន​ដុត​ទង់​ជាតិ​ប្រទេស​វៀតណាម​ ដើម្បី​ជា​ការ​ឆ្លើយ​តប​នឹង​ការណ៍​ដែល​មន្ត្រី​ស្ថានទូត​វៀតណាម​មិន​បាន​ចេញ ​មុខ​មក​សុំ​ទោស​ជា​សារធារណៈ។​
ព្រះ​សង្ឃ​មួយ​អង្គ​មាន​សង្ឃដីកា​ថា៖​ «ប្រសិន​បើ​យួន​ចង់​បញ្ចប់​បញ្ហា​នេះ​ជា​ប្រញាប់​ ត្រូវ​តែ​ប្រញាប់​ចេញ​មក​សុំ​ទោស​ខ្មែរ​ជា​សាធារណៈ។ ហើយ​ជំហរ​របស់​អាត្មា​ក្រោម​ការ​ដឹកនាំ​ជាតិ​មិន​មាន​ការ​លះបង់​ ហើយ​មិន​មាន​ការ​ភ័យ​ស្រុត​ មិន​មាន​ការ​តក់​ស្លុត​ដោយសារ​ការ​គំរាម​កំហែង​របស់​ក្រសួង​មហាផ្ទៃ​នោះ​ ទេ»។​
លោក​ ទ្រឹង វ៉ាន់ថុង​ អ្នក​នាំ​ពាក្យ​ស្ថាន​ទូត​វៀតណាម​ធ្លាប់​បាន​អះអាង​ថា ​ទឹកដី​កម្ពុជា​ក្រោម​ជា​ទឹក​ដី​របស់​វៀតណាម​តាំង​ពី​ដើម​មក ​មិន​មែន​បាន​មក​ពី​ការ​កាត់​ទឹក​ដី​ដោយ​បារាំង​នៅ​ថ្ងៃ​ទី​៤​ ខែមិថុនា​ ឆ្នាំ​១៩៤៩​នោះ​ទេ។​
លោក ទ្រឹង វ៉ាន់ថុង ​មិន​អាច​ស្នើ​សុំសេចក្តី​អត្ថាធិប្បាយ​បំភ្លឺ​បាន​ទេ​នៅ​ថ្ងៃ​ពុធ​នេះ។​ ក៏​ប៉ុន្តែ​ស្ថានទូត​វៀតណាម​ធ្លាប់​បាន​ចេញ​សេច​ក្តី​ប្រកាស​ព័តមាន​ដោយ​ ចាត់​ទុក​ថា​ ការ​ដឹក​នាំ​ធ្វើបាតុកម្ម​នេះ​គឺ​ជា​សកម្មភាព​ជ្រៀតជ្រែត​ចូល​ក្នុង​ អធិបតេយ្យភាព​និង​កិច្ចការ​ផ្ទៃក្នុង​របស់​វៀតណាម ​ហើយ​ផ្ទុយ​ទៅ​នឹង​ច្បាប់​របស់​ប្រទេស​កម្ពុជា។ ​
លោក​ កែម ឡី​ អ្នក​ស្រាវជ្រាវ​សង្គម​មើល​ឃើញ​ថា ​ប្រសិន​ណា​បើ​មន្ត្រី​ស្ថានទូត​វៀតណាម​មិន​ចេញ​បក​ស្រាយ​ជូនប្រជាពលរដ្ឋ​ បាន​យល់​ទេ លោក​បារម្ភ​ថា ​នៅ​ពេល​ខាង​មុខ​ចលនា​ជាតិនិយម​ប្រឆាំង​នឹង​វៀតណាម​អាច​កាន់​តែ​រីក​ធំ​ឡើង​ និង​អាច​រុញ​ច្រាន​ប្រទេស​ឈាន​ទៅ​រក​អំពើ​ហិង្សា​ដែល​អាច​ពិបាក​ក្នុង​ការ​ គ្រប់គ្រង។​
កាល​ពី​ខែ​កក្កដា​ ក្រុម​បាតុករ​ដែល​ដឹក​នាំ​ដោយ​សហព័ន្ធ​និស្សិត​បញ្ញវ័ន្ត​កម្ពុជា​ប្រមាណ​ ជាង​១០​នាក់​បាន​រង​របួស​ក្នុង​ការ​ប៉ះ​ទង្គិច​គ្នា​ជាមួយ​កង​កម្លាំង​ សន្តិសុខ​នៅ​ក្បែរ​ស្ថានទូត​វៀតណាម​ដែល​ទាមទារ​ឲ្យ​មន្ត្រី​ស្ថានទូត​វៀតណាម ​ចេញ​មក​សុំ​ទោស​ពាក់ព័ន្ធ​នឹង​ទឹក​ដី​ខ្មែរ​កម្ពុជា​ក្រោម៕
ដោយ៖​ ណាត សុភាព​
ថ្ងៃព្រហស្បតិ៍ ទី14 សីហា 2014
http://vodhotnews.com

មើលរូបភាពបន្ថែម
អ្នកមានជម្លោះដីធ្លីនៅតំបន់បឹងកក់ ហែញត្តិមកមន្ទីររដ្ឋសភាជាតិ (រូបថត៖ ណាត សុភាព)
​អតីត​អ្នក​សហគមន៍​បឹងកក់​ប្រមាណ​៥០​នាក់ ​នៅ​ព្រឹក​ថ្ងៃ​ព្រហស្ប​ហ៍​នេះ ប្រមូលផ្ដុំ​គ្នា​នៅ​មុខ​រដ្ឋសភា​ដើម្បី​ដាក់​ញត្តិ​ទាមទារ​ឲ្យ​ តំណាងរាស្ត្រ​ ជួយ​ដោះស្រាយ​បញ្ហា​របស់​ខ្លួន ដែល​កំពុង​ជួប​ការខ្វះខាត។​
​ក្រុមអ្នកតវ៉ា​ឲ្យដឹងថា គោលបំណង​នៃ​ការដាក់​ញត្តិ​គឺ​ដើម្បី​ទាមទារ​ឲ្យ​តំណាងរាស្ត្រ​ ក៏ដូចជា​គណបក្ស​ទាំង​ពីរ​ជួយ​អន្តរាគមន៍​ទៅ​រដ្ឋភិបាល ​ដើម្បី​គិតគូរ​ឡើង​វិញ​ពី​សំណង​ដែល​ផ្ដល់​ឲ្យ​ពួកគាត់។​
ក្រុមអ្នកតវ៉ា​ឲ្យដឹង​ទៀតថា ពួក​គាត់​ធ្លាប់​ទទួលបាន​សំណង​ពី​មុន​ខ្លះ ដោយ​អ្នកខ្លះ​ទទួលបាន​ប្រាក់​សំណង៥០០​ដុល្លារ អ្នកខ្លះ​ទៀត​ទទួលបាន​៨០០០​ដុល្លារ និង​២​លាន​រៀល ហើយ​អ្នកខ្លះ​ទៀត​ព្រម​ទទួលយក​ផ្ទះល្វែង​នៅ​បុរី​សន្តិភាព​២ នៅ​ខណ្ឌ​ពោធិ៍​សែន​ជ័យ ទំហំ៤​ម៉ែត្រ​គុណ​១២​ម៉ែត្រ និង​ទឹកប្រាក់​២​លាន​រៀល។​

ទោះបីជា​យ៉ាងណា ពួក​គាត់​ថា​សំណង​ទាំងនោះ​មិន​ស្មើ​នឹង​ផលប៉ះពាល់​ពួកគាត់​ប្រឈម​ទេ ហើយ​កាលដែល​ពួក​គាត់​ទទួល​យក​សំណង​គឺ​ទាំង​បង្ខំ ដោយ​កាលណោះ ខាង​ក្រុមហ៊ុន​បាន​បូម​ខ្សាច់ ធ្វើឲ្យ​លិច​ផ្ទះ​របស់​ពួកគាត់។​
​នា​ម៉ោង​ប្រមាណ​៩​កន្លះ​ព្រឹក​នេះ រដ្ឋសភា​អនុញ្ញាត​ឲ្យ​តំណាង​អ្នក​តវ៉ា​ចំនួន​៦​នាក់​ដែល​ដឹននាំ​ដោយ​ អ្នកស្រី ស៊ា ណា​រ៉េត និង​កញ្ញា អ៊ឹម ស្រី​ទូច ចូលទៅ​ក្នុង​រដ្ឋសភា​ដើម្បី​ពិភាក្សា តែ​ពុំ​ទាន់​ទទួលបាន​លទ្ធផល​យ៉ាង​ណា​នៅឡើយ​ទេ។​
របាយការណ៍​នានា​របស់​ក្រុម​អង្គការ​សង្គម​ស៊ីវិល ឲ្យដឹងថា ការ​ដែល​រដ្ឋាភិបាល​ជួល​បឹង​ធម្មជាតិ​នៅ​តំបន់​បឹងកក់​ឲ្យ​ក្រុម​ហ៊ុនស៊ូ​កា ​គូ​អ៊ី​ន របស់លោក ឡាវ ម៉េង​ឃិន សមាជិក​ព្រឹទ្ធសភា មកពី​គណបក្ស​ប្រជាជន​កម្ពុជា ដើម្បី​អភិវឌ្ឍន៍​រយៈពេល​៩៩​ឆ្នាំនេះ ធ្វើឲ្យប៉ះពាល់​ដល់​ប្រជាពលរដ្ឋ​នៅ​តំបន់​នោះ​ជាង​៤០០០​គ្រួសារ ក្នុងនោះ​ជិត​១០០០​គ្រួសារ មិន​ព្រម​ចាកចេញ និង​ជាង​៣០០០​គ្រួសារ​ត្រូវ​អាជ្ញាធ​រាជធានី​ភ្នំពេញ​បណ្តេញចេញ​ទាំង​បង្ខំ ដែល​ធ្វើឲ្យ​ជម្លោះ​បន្ត​អូសបន្លាយ​រហូត​បច្ចុប្បន្ន​នេះ​៕
សូមសរសេរមកលោក ណាត សុភាព តាមរយៈ sopheap@vodhotnews.com












Search