២០ឧសភា២០១៣
អ្នកតវ៉ា៣ក្រុមប៉ះទង្គីចគ្នានៅ
មុខអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជាក្នុងពេលយកញត្តិទៅដាក់ជូន លោក សុរិយា ស៊ូប៊ីឌី មន្ត្រីអ្នករាយការណ៌ពិសេសរបស់អង្គការសហប្រជាជាតិដែលមកបំពេញទស្សនកិច្ចនៅកម្ពុជា ។
ក្រុមទី១ ប្រជាពលរដ្ឋដែលគាំទ្រគណបក្សសង្គ្រោះជាតិ មានគ្នាជាង៥០០០នាក់ ធ្វើមហាបាតុកម្មទាមទាឲ្យប្តូរគណកម្មការរៀបចំការបោះឆ្នោតនៅកម្ពុជានិងទាមទារឲ្យមានការបោះឆ្នោតដោយសេរីត្រឹមត្រូវ
និងយុត្តិធម៌នៅថ្ងៃ២៨កក្កដា២០១៣ខាងមុខនេះ ។
ក្រុមទី២ ប្រជាពលរដ្ឋមកពីសហគមន៌ដីធ្លី បឹងកក់ បុរីកីឡា ថ្មគោល បានមកប្រមូលគ្នាដាក់ញត្តិទាមទាឲដោះលែងអ្នកស្រី យ៉ោម បុប្ផា ដែលជាតំណាងនិងជាសកម្មជនដីធ្លីនៅតំបន់បឹងកក់ដែលត្រូវបានអាជ្ញាធរ តុលាការចោទនិងចាប់ថាប្រើហឹង្សាខុសច្បាប់វ៉ៃទៅលើបុរស២នាក់ឲរបួស នោះឲមានយុត្តិធម៌និងសេរីភាពឡើងវិញ។
ក្រុមទី៣ ជាក្រុមរ៉ូម៉កទេសចរណ៍កង់បី ដែលតវ៉ាទាមទាចោទប្រកាន់និងជេរទៅលើអង្គការសិទ្ធិមនុស្សជាតិអន្តរជាតិ
នានាទាំងនៅកម្ពុជាទាំងនៅអាមេរីកថាជាអង្គការលំអៀង កាន់ជើងតែគណបក្សប្រឆាំង និងចេះតែធ្វើរបាយការណ៍តាមតែចិត្តផ្តេសផ្តាស ហើយនិងតវ៉ាចោទទំលាក់កំហុសទៅលើអ្នកស្រី យ៉ោម បុប្ផា ថាបានប្រើហឹង្សាវ៉ៃលើក្រុមរបស់ខ្លួនឲ្យរងរបួស ។ ក្រុមនេះទំនងជាក្រុមអាជ្ញាធរជួលមកឲធ្វើបាតុកម្មប្រឆាំងទៅនិងអង្គការ
សិទ្ធិមនុស្សផ្សេងៗនិងប្រឆាំងទៅលើសហគមន៍បឹងកក់ ។ តែទោះជាយ៉ាងណាការប៉ះទង្គីចគ្នានេះមិនមានអំពើរហឹង្សាកើតឡើងទេ គ្រាន់តែប៉ះដោយពាក្សសំដីឌឺដងដាក់គ្នាតែប៉ុណ្ណោះ ។
0 comments:
Post a Comment
Thank you for your comments!