ចូលរួមជាមួយប្លុកKFM
Popular Articles & Posts
វេបសាយកំណាព្យល្អៗ
Total Pageviews
វេបសាយខ្មែរល្អៗ
- អក្សរយើង Out Fonts
- All English Fonts
- Cambodia Piece
- Installing Khmer Unicode Zip files
- Khmer-Kulturzentrum
- Looks great in 90 days exercise
- Ratanak Angkor Khmer Font
- កម្ពុជាថ្មី Kampuchea Tmey
- ជាជនជាតិខ្មែរ Khmer Be
- CambodianGuide
- បណ្ដុំនៃគំរូតួអក្សរខ្មែរ សំរាប់អ្នក
- មើលកុន Khmer Avenue
- មើលកុន ២៤ ម៉ោង Khmer 24 hrs movies
- មើលកុនគ្រប់ប្រភេទ TrovJet
- សរសេរជាភាសាខ្មែរ ប្រកបនឹងពន្យល់អត្តន័យ
- ស្តាប់ចំរៀងនៅ ចូលចិត្ត
- ស្តាប់នឹងទាញយកចំរៀងខ្មែរ Khmer Songs
វចនានុក្រម
គេហទំពរសម្រាប់រៀន IT
អត្តបទទាក់ទង់រឿងសុខភាព
កំណាព្យ Poems
អានរឿងនិទាន
Powered by Blogger.
Tuesday, June 4, 2013
នុងសប្ដាហ៍នេះ រដ្ឋសភានឹងអនុម័តច្បាប់ថ្មីមួយស្ដីពីការប្រឆាំងការមិនទទួល ស្គាល់ឧក្រិដ្ឋកម្ម ដែលប្រព្រឹត្តឡើងក្នុងរបបខ្មែរក្រហម។ ច្បាប់ថ្មីនេះ ត្រូវបានលោកនាយករដ្ឋមន្ត្រី ហ៊ុន សែន ស្នើទៅកាន់តំណាងរាស្ត្រគណបក្សប្រជាជនកម្ពុជា និងគណបក្សហ៊្វុនស៊ិនប៉ិច ផ្ទាល់មាត់ តាមរយៈសន្ទរកថាមួយកាលពីថ្ងៃទី២៨ ខែឧសភា នាវត្តលង្កា រាជធានីភ្នំពេញ។
ដោយ វណ្ណ វិចារ
2013-06-04
ដោយ វណ្ណ វិចារ
2013-06-04
កាលនោះ លោក ហ៊ុន សែន ថ្លែងថ្កោលទោសទៅលើប្រធានស្តីទីគណបក្សសង្គ្រោះជាតិ លោក កឹម សុខា ដែលទំនងជាបាននិយាយថា គុកទួលស្លែង ជាឆាកដែលវៀតណាម ជាអ្នកបង្កើត។
ក្នុងរយៈពេលបីថ្ងៃ គឺនៅថ្ងៃទី៣១ ខែឧសភា បន្ទាប់ពីលោកនាយករដ្ឋមន្ត្រីថ្លែងស្នើច្បាប់រួចមក គណៈកម្មការអចិន្ត្រៃយ៍រដ្ឋសភា ក៏បានកោះប្រជុំភ្លាមៗ ដោយមានវត្តមានប្រធានរដ្ឋសភា និងជាប្រធានកិត្តិយសគណបក្សប្រជាជនកម្ពុជា លោក ហេង សំរិន ជាអ្នកដឹកនាំអង្គប្រជុំ។ លទ្ធផលប្រជុំដូចការគ្រោងទុក សមាជិកគណៈកម្មការអចិន្ត្រយ៍រដ្ឋសភាដែលសុទ្ធជាមន្ត្រីគណបក្សកាន់ អំណាច ក៏បានសម្រេចឯកភាពលើសេចក្តីស្នើច្បាប់នោះ និងប្រគល់ឲ្យគណៈកម្មការនីតិកម្ម និងយុត្តិធម៌រដ្ឋសភា ពិនិត្យបន្តនៅថ្ងៃទី៥ ខែមិថុនា និងគ្រោងដាក់ឲ្យអង្គប្រជុំវិសាមញ្ញរបស់រដ្ឋសភា ពិនិត្យ និងអនុម័តនៅថ្ងៃទី៧ ខែមិថុនា ខាងមុខ។
សង្គមស៊ីវិលគិតថា ដំណើរការអនុម័តច្បាប់ថ្មីនេះនឹងមិនមានឧបសគ្គទេ ដោយតំណាងរាស្ត្រគណបក្សកាន់អំណាចដែលមានសំឡេងលើសលប់ នឹងបោះឆ្នោតអនុម័តមិនឲ្យលោកនាយករដ្ឋមន្ត្រីខកបំណងឡើយ។
មន្ត្រីជាន់ខ្ពស់នៃអង្គការគំនិតផ្ដួចផ្ដើមយុត្តិធម៌សង្គម និងជាអ្នកឃ្លាំមើលសាលាក្តីខ្មែរក្រហម លោក ឡុង បញ្ញវុធ មានប្រសាសន៍ថា លោកពិតជាមានការភ្ញាក់ផ្អើលពីគម្រោងការបង្កើតច្បាប់ថ្មីដ៏តក់ក្រហល់បែបនេះ។ លោកបន្តថា បើសិនជាច្បាប់ថ្មីនេះមានវិសាលភាពរហូតដល់ដាក់ទោសអ្នកដែលនិយាយ ថា របបខ្មែរក្រហមមិនមែនជារបបប្រល័យពូជសាសន៍ ឬអត់ទៀតនោះ ច្បាប់ថ្មីនឹងក្លាយជាការសន្មតថា ខ្មែរក្រហមពិតជាប្រល័យពូជសាសន៍ មុននឹងសាលក្រមព្រហ្មទណ្ឌយុត្តិធម៌មួយត្រូវប្រកាស។
លោកដាក់សំណួរថា តើជនសង្ស័យទទួលបានការកាត់ក្តីដោយយុត្តិធម៌ដោយរបៀបណា៖ «ប្រហែល ជាវាលឿនពេក ព្រោះអីយើងអត់ទាន់មានសាលក្រម។ រឿងប្រល័យពូជសាសន៍ផង បែរជាធ្វើច្បាប់បែបហ្នឹង ជនជាប់ចោទដែលនឹងតតាំងនៅក្នុងតុលាការ ថាបទល្មើសហ្នឹងមិនបានកើតឡើង។ គាត់អត់ដឹង។ល។ ហ្នឹងតើវាប៉ះពាល់ដល់សិទ្ធិជំនុំជម្រះក្តីប្រកបដោយយុត្តិធម៌ ឬក៏អត់? អ្វីដែលចាំបាច់ ឥឡូវនេះធ្វើឲ្យសាលាក្តីបញ្ចប់សំណុំរឿងមានចំពោះមុខ ដូចជាសំណុំរឿង០០៣ និង០០៤ ព្រោះសាលាក្តីកំពុងកង្វះខាតឆន្ទៈនយោបាយ និងថវិកា»។
ចំពោះបញ្ហានេះ ប្រជាពលរដ្ឋម្នាក់ដែលឆ្លងកាត់របបខ្មែរក្រហម ឈ្មោះ ពុធ ធី បានគាំទ្រច្បាប់ដាក់ទោសអ្នកនិយាយថា ខ្មែរក្រហមមិនសម្លាប់មនុស្ស ដែលស្នើឡើងដោយលោក ហ៊ុន សែន។ ប៉ុន្តែ លោកក៏គាំទ្រការលើកឡើងរបស់គណបក្សសង្គ្រោះជាតិ ដែលស្នើឲ្យបង្កើតច្បាប់ហាមឃាត់មិនឲ្យអតីតកម្មាភិបាលខ្មែរក្រហម កាន់តំណែងជាន់ខ្ពស់ក្នុងជួររាជរដ្ឋាភិបាលដែរ។ តែលោកមិនគាំទ្រឲ្យបង្កើតច្បាប់ទាំងពីរនេះពេលនេះទេ៖ «អ៊ីចឹង នេះខ្ញុំគាំទ្រសម្ដេច ហ៊ុន សែន និងគាំទ្រលោក កឹម សុខា ដែរ តែសុំបន្ថែមពីរកន្ទុយទៀតថា ត្រូវតែបង្កើតច្បាប់មួយទៀតដែលប្រឆាំងអ្នកដែលរារាំង ០០៣ និង ០០៤ ទៀត។ ខ្ញុំជាអ្នករងគ្រោះរបបខ្មែរក្រហម អ៊ីចឹងបានយុត្តិធម៌។ ខ្ញុំជាអ្នករងគ្រោះរបបខ្មែរក្រហមមួយគ្រួសារ ស្លាប់ទាំងអស់ សល់តែម្នាក់ឯងមិនទាន់បានទទួលយុត្តិធម៌ផងហ្នឹង»។
ចំណែកប្រធានក្រុមអ្នកតំណាងរាស្ត្រគណបក្សជំទាស់ លោក សុន ឆ័យ ចាត់ទុកថា ដំណើរពិនិត្យ និងអនុម័តសេចក្តីស្នើច្បាប់ ដែលរដ្ឋសភាធ្វើឡើងបន្ទាន់បែបនេះ ជាការបំពេញចិត្តបុគ្គលលោកនាយករដ្ឋមន្ត្រី ហ៊ុន សែន ជាជាងបម្រើផលប្រយោជន៍សាធារណៈ។ លោកបន្តថា គណបក្សសង្គ្រោះជាតិ គាំទ្រច្បាប់ដែលដាក់ទោសខ្មែរក្រហម និងអ្នកគាំទ្ររបបខ្មែរក្រហមឲ្យវិលមកវិញ តែមិនមែនគាំទ្រច្បាប់ដែលសភាចាំតែប្រថាប់ត្រាតាមសម្ដីអ្នក ដឹកនាំគណបក្សកាន់អំណាចឡើយ។ លោកបន្តថា ច្បាប់ថ្មីនេះគ្រាន់តែបម្រើផលប្រយោជន៍នយោបាយរបស់គណបក្សកាន់ អំណាចប៉ុណ្ណោះ៖ «ចាំបាច់រដ្ឋសភាត្រូវរៀបចំពិនិត្យឡើងវិញ ជៀសវាងកុំឲ្យបន្តធ្វើការងារដែលគេហៅភាសាសាមញ្ញថា សភាប្រថាប់ត្រា ចាំតែនាយករដ្ឋមន្ត្រីថា បានធ្វើតាម។ រឿងនេះធ្វើឲ្យបាត់បង់គោលការណ៍ច្បាប់ជាមូលដ្ឋានហ្នឹងអស់ហើយ»។
ទោះយ៉ាងណាក្តី លោកនាយករដ្ឋមន្ត្រី ហ៊ុន សែន បានថ្លែងថា ច្បាប់ថ្មីនេះនឹងមិនប៉ះពាល់ដល់សិទ្ធិសេរីភាពក្នុងការបញ្ចេញមតិ ឬរងការហាមឃាត់ពីអង្គការសហប្រជាជាតិឡើយ។ ហើយច្បាប់នេះ ជាការដាក់កំហិតអ្នកណាថាគ្មានរបបប្រល័យពូជសាសន៍ គឺត្រូវមានទោស និងដើម្បីធានាថា របបខ្មែរក្រហមនឹងមិនអាចវិលមកវិញទេ។
ចំណែកឯតំណាងរាស្ត្រគណបក្សប្រជាជនកម្ពុជា លោក ឈាង វុន ដែលធ្លាប់រងការស្តីបន្ទោសក្នុងករណីហៅលោក កឹម សុខា ជាមនុស្សព្នងមិនដឹងអីនោះ មានប្រសាសន៍ប្រាប់កាសែតក្នុងស្រុកថា ច្បាប់ថ្មីនេះមានសារៈសំខាន់ ហើយមិនមែនជាឧបសគ្គក្នុងសាលាក្តីខ្មែរក្រហមឡើយ។
រដ្ឋសភាកម្ពុជា ធ្លាប់អនុម័តច្បាប់ដោយប្រញាប់បែបនេះម្តងជាពីរដងរួចទៅហើយ។ កាលពីឆ្នាំ២០០៦ រដ្ឋសភាបានអនុម័តច្បាប់ឯកពន្ធនភាព ឬច្បាប់ប្ដីមួយប្រពន្ធមួយ ដើម្បីបើកផ្លូវឲ្យអ្នកអង្គម្ចាស់ក្សត្រី ម៉ារី រណឫទ្ធិ ជាអតីតមហេសីរបស់សម្ដេចក្រុមព្រះ នរោត្តម រណឫទ្ធិ ប្ដឹងស្វាមីព្រះអង្គ ហើយចុងក្រោយសម្ដេចក្រុមព្រះ ក៏ត្រូវចាញ់ក្តី។ ពេលនោះហើយដែលឥទ្ធិពលនយោបាយគណបក្សហ៊្វុនស៊ិនប៉ិច ត្រូវបន្សាបបន្តិចម្តងៗរហូតដល់បែកបាក់ផ្ទៃក្នុងជាបន្តបន្ទាប់។ គណបក្សដែលបានផលចំណេញសំឡេងឆ្នោតច្រើនជាងគេ គឺគណបក្សប្រជាជនកម្ពុជា និងបន្ទាប់មក គឺគណបក្ស សម រង្ស៉ី។
កាលពីឆ្នាំ២០១០ រដ្ឋសភាក៏បានអនុម័តច្បាប់ប្រឆាំងអំពើពុករលួយប្រញាប់ដែរ ទោះបីជាមានទស្សនៈជាច្រើនយល់ថា គួរសិក្សាឲ្យបានលម្អិតជាមុនសិនក៏ដោយ។ ច្បាប់ប្រឆាំងអំពើពុករលួយចេញមិនទាន់បានប៉ុន្មានផង អង្គភាពប្រឆាំងអំពើពុករលួយបានធ្វើការបោសសម្អាតអំពើពុករលួយ គ្រឿងញៀនដ៏ធំ ដែលមានជនសង្ស័យជាអតីតឧត្តមសេនីយ៍ផ្កាយបី លោក ម៉ឹក ដារ៉ា អតីតស្នងការនគរបាលខេត្តបន្ទាយមានជ័យ លោក ហ៊ុន ហ៊ាន និងកូនចៅមួយចំនួនទៀត។ បន្ទាប់មក ក៏ចាប់អតីតព្រះរាជអាជ្ញាខេត្តពោធិ៍សាត់ តុប ច័ន្ទសិរីវុធ ពីបទស៊ីសំណូក និងបន្តចាប់ខ្លួនមន្ត្រីដែលស្និតនឹងប្រធានព្រឹទ្ធសភា លោក ជា ស៊ីម ជាច្រើននាក់ទៀត។ ករណីដែលគួរឲ្យចាប់អារម្មណ៍នោះ គឺប្រធានកងអង្គរក្សលោក ជា ស៊ីម អតីតឧត្តមសេនីយ៍ឯក លោក ឈឿន ចាន់ថន ហៅ ម៉ៅ ដែលលោកនាយករដ្ឋមន្ត្រី ហ៊ុន សែន ធ្លាប់ជេរនៅក្នុងការជួបជុំរបស់កងទ័ពនោះ ក៏ត្រូវបានចាប់ខ្លួនដែរ ដោយជាប់ពាក់ព័ន្ធបទល្មើសជាច្រើនករណី។ ក្នុងការចាប់ខ្លួនមនុស្សជំនិតរបស់ប្រធានរដ្ឋសភានេះ មិនមានអ្នកវិភាគណាហ៊ានធ្វើសេចក្តីសន្និដ្ឋាននោះទេ ដោយគ្រាន់តែបញ្ជាក់ថា ជាការជម្រុះត្រីស្អុយក្នុងបក្សកាន់អំណាចប៉ុណ្ណោះ។
កាលពីចុងខែមេសា ឆ្នាំ២០១៣ នេះ លោកនាយករដ្ឋមន្ត្រី ហ៊ុន សែន បានប្រកាសថានឹងប្ដូរអភិបាលខេត្ត រាជធានីទាំង១០ និងបញ្ជាឲ្យពិនិត្យធ្វើវិសោធនកម្មច្បាប់ស្ដីពីការរៀបចំ និងប្រព្រឹត្តទៅនៃទីស្ដីការគណៈរដ្ឋមន្ត្រី មាត្រាទី២៨ ដែលកាលពីមុនការជ្រើសមន្ត្រីក្របខ័ណ្ឌចូលបម្រើក្នុងស្ថាប័នរដ្ឋ ជាភារកិច្ចរបស់រដ្ឋមន្ត្រីក្រសួងនីមួយៗ។ ប៉ុន្តែលោក ហ៊ុន សែន ចង់ឲ្យចៅហ្វាយខេត្តធ្វើការងារនេះជំនួសវិញ។ នៅដើមខែឧសភា រដ្ឋសភាក៏បានប្រជុំពិភាក្សាលើបញ្ហានេះ ហើយក៏បានអនុម័តតាមសំណើនេះ ដោយសំឡេងគាំទ្រជាង ៨០សំឡេង ហើយច្បាប់នេះរង់ចាំតែព្រឹទ្ធសភាអនុម័ត និងព្រះមហាក្សត្រឡាយព្រះហស្តលេខាជាការស្រេច។
ទាក់ទងនឹងការបង្កើតច្បាប់ប្រឆាំងអ្នកដែលមិនទទួលស្គាល់បទ ឧក្រិដ្ឋក្នុងរបបខ្មែរក្រហមវិញ អ្នកជំនាញវិទ្យាសាស្ត្រនយោបាយ និងជាអ្នកវិភាគឯករាជ្យ លោកបណ្ឌិត ឡៅ ម៉ុងហៃ ហាក់សម្ដែងការមិនសប្បាយចិត្តទេ។ លោកមានប្រសាសន៍ថា នៅប្រទេសតំបន់អឺរ៉ុប គេអនុម័តច្បាប់ប្រឆាំងរបបណាហ្ស៊ី លុះត្រាតែបញ្ចប់ការផ្ដន្ទាទោសមេដឹកនាំណាហ្ស៊ី រួចរាល់។
លោកបន្តថា លោកគាំទ្រឲ្យបង្កើតច្បាប់នេះ តែត្រូវសិក្សាស្រាវជ្រាវពីអត្ថប្រយោជន៍នៃច្បាប់ជាមុនសិន មិនមែនបង្កើតតាមចិត្តលោកនាយករដ្ឋមន្ត្រីឡើយ ព្រោះរដ្ឋធម្មនុញ្ញមិនមែនជាកម្មសិទ្ធិផ្តាច់មុខរបស់បក្សប្រជាជន ទេ តែជារបស់ជាតិខ្មែរទាំងមូល៖ «ច្បាប់នៅក្នុងរដ្ឋធម្មនុញ្ញ យ៉ាងហោចណាស់ពីរដែរ គឺច្បាប់ស្ដីពីការរៀបចំ និងប្រព្រឹត្តទៅតុលាការ និងសហលក្ខន្តិកៈព្រះរាជអាជ្ញាអត់មានទេណា! ចុះអាហ្នឹងហេតុអីក៏ប្រញាប់មេ្ល៉ះ អាលំអាលាយជាតិអាលូវហ្នឹងអី? យើងធ្វើអាលូវហ្នឹង បើតុលាការរកអត់ឃើញពីអំពើប្រល័យពូជសាសន៍វិញ មិនខុសអស់ទៅហើយអ៊ីចឹង»។
សេចក្តីស្នើច្បាប់ស្ដីពីការប្រឆាំងការមិនទទួលស្គាល់ ឧក្រិដ្ឋកម្ម ដែលប្រព្រឹត្តឡើងក្នុងរយៈកាលនៃកម្ពុជាប្រជាធិបតេយ្យ មានមួយជំពូក និងមាន ៥មាត្រា។ ទំហំដាក់ទោសអ្នកដែលបំពាន អាចឲ្យជាប់គុករយៈពេលវែងបំផុត ២ឆ្នាំ និងពិន័យជាប្រាក់ ៤លានរៀល។ កាលពីខែមុន រដ្ឋសភាឥណ្ឌា ទើបបានអនុម័តច្បាប់ថ្មីមួយដែលមិនអនុញ្ញាតឲ្យអាជីវករតាមហាង ទំនិញ លក់រូបសំណាក ឬម៉ាឡាកាំងឡើយ ដើម្បីកាត់បន្ថយអំពើរំលោភសេពសន្ថវៈ ឬការរំលោភផ្លូវភេទ បន្ទាប់ពីអំពើរំលោភផ្លូវភេទកាន់តែព្រៃផ្សៃ និងមានទំហំកាន់តែគួរឲ្យព្រួយបារម្ភ។
អ្នកវិភាគដាក់សំណួរថា តើច្បាប់ប្រឆាំងអ្នកដែលហ៊ាននិយាយថា របបខ្មែរក្រហមមិនសម្លាប់មនុស្សនោះ នឹងផ្តល់ប្រយោជន៍បែបណាចំពោះជាតិ? បើបច្ចុប្បន្ន អតីតមេទ័ពតំបន់ និងមន្ត្រីជាន់ខ្ពស់កម្មាភិបាលខ្មែរក្រហម កំពុងតែកាន់តំណែងជាមន្ត្រីជាន់ខ្ពស់ក្នុងជួររាជរដ្ឋាភិបាលដែរ នោះ?
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
[source] http://www.rfa.org/khmer/news/law/law-against-who-not-recognize-krt-06042013092524.html
ក្នុងរយៈពេលបីថ្ងៃ គឺនៅថ្ងៃទី៣១ ខែឧសភា បន្ទាប់ពីលោកនាយករដ្ឋមន្ត្រីថ្លែងស្នើច្បាប់រួចមក គណៈកម្មការអចិន្ត្រៃយ៍រដ្ឋសភា ក៏បានកោះប្រជុំភ្លាមៗ ដោយមានវត្តមានប្រធានរដ្ឋសភា និងជាប្រធានកិត្តិយសគណបក្សប្រជាជនកម្ពុជា លោក ហេង សំរិន ជាអ្នកដឹកនាំអង្គប្រជុំ។ លទ្ធផលប្រជុំដូចការគ្រោងទុក សមាជិកគណៈកម្មការអចិន្ត្រយ៍រដ្ឋសភាដែលសុទ្ធជាមន្ត្រីគណបក្សកាន់ អំណាច ក៏បានសម្រេចឯកភាពលើសេចក្តីស្នើច្បាប់នោះ និងប្រគល់ឲ្យគណៈកម្មការនីតិកម្ម និងយុត្តិធម៌រដ្ឋសភា ពិនិត្យបន្តនៅថ្ងៃទី៥ ខែមិថុនា និងគ្រោងដាក់ឲ្យអង្គប្រជុំវិសាមញ្ញរបស់រដ្ឋសភា ពិនិត្យ និងអនុម័តនៅថ្ងៃទី៧ ខែមិថុនា ខាងមុខ។
សង្គមស៊ីវិលគិតថា ដំណើរការអនុម័តច្បាប់ថ្មីនេះនឹងមិនមានឧបសគ្គទេ ដោយតំណាងរាស្ត្រគណបក្សកាន់អំណាចដែលមានសំឡេងលើសលប់ នឹងបោះឆ្នោតអនុម័តមិនឲ្យលោកនាយករដ្ឋមន្ត្រីខកបំណងឡើយ។
មន្ត្រីជាន់ខ្ពស់នៃអង្គការគំនិតផ្ដួចផ្ដើមយុត្តិធម៌សង្គម និងជាអ្នកឃ្លាំមើលសាលាក្តីខ្មែរក្រហម លោក ឡុង បញ្ញវុធ មានប្រសាសន៍ថា លោកពិតជាមានការភ្ញាក់ផ្អើលពីគម្រោងការបង្កើតច្បាប់ថ្មីដ៏តក់ក្រហល់បែបនេះ។ លោកបន្តថា បើសិនជាច្បាប់ថ្មីនេះមានវិសាលភាពរហូតដល់ដាក់ទោសអ្នកដែលនិយាយ ថា របបខ្មែរក្រហមមិនមែនជារបបប្រល័យពូជសាសន៍ ឬអត់ទៀតនោះ ច្បាប់ថ្មីនឹងក្លាយជាការសន្មតថា ខ្មែរក្រហមពិតជាប្រល័យពូជសាសន៍ មុននឹងសាលក្រមព្រហ្មទណ្ឌយុត្តិធម៌មួយត្រូវប្រកាស។
លោកដាក់សំណួរថា តើជនសង្ស័យទទួលបានការកាត់ក្តីដោយយុត្តិធម៌ដោយរបៀបណា៖ «ប្រហែល ជាវាលឿនពេក ព្រោះអីយើងអត់ទាន់មានសាលក្រម។ រឿងប្រល័យពូជសាសន៍ផង បែរជាធ្វើច្បាប់បែបហ្នឹង ជនជាប់ចោទដែលនឹងតតាំងនៅក្នុងតុលាការ ថាបទល្មើសហ្នឹងមិនបានកើតឡើង។ គាត់អត់ដឹង។ល។ ហ្នឹងតើវាប៉ះពាល់ដល់សិទ្ធិជំនុំជម្រះក្តីប្រកបដោយយុត្តិធម៌ ឬក៏អត់? អ្វីដែលចាំបាច់ ឥឡូវនេះធ្វើឲ្យសាលាក្តីបញ្ចប់សំណុំរឿងមានចំពោះមុខ ដូចជាសំណុំរឿង០០៣ និង០០៤ ព្រោះសាលាក្តីកំពុងកង្វះខាតឆន្ទៈនយោបាយ និងថវិកា»។
ចំពោះបញ្ហានេះ ប្រជាពលរដ្ឋម្នាក់ដែលឆ្លងកាត់របបខ្មែរក្រហម ឈ្មោះ ពុធ ធី បានគាំទ្រច្បាប់ដាក់ទោសអ្នកនិយាយថា ខ្មែរក្រហមមិនសម្លាប់មនុស្ស ដែលស្នើឡើងដោយលោក ហ៊ុន សែន។ ប៉ុន្តែ លោកក៏គាំទ្រការលើកឡើងរបស់គណបក្សសង្គ្រោះជាតិ ដែលស្នើឲ្យបង្កើតច្បាប់ហាមឃាត់មិនឲ្យអតីតកម្មាភិបាលខ្មែរក្រហម កាន់តំណែងជាន់ខ្ពស់ក្នុងជួររាជរដ្ឋាភិបាលដែរ។ តែលោកមិនគាំទ្រឲ្យបង្កើតច្បាប់ទាំងពីរនេះពេលនេះទេ៖ «អ៊ីចឹង នេះខ្ញុំគាំទ្រសម្ដេច ហ៊ុន សែន និងគាំទ្រលោក កឹម សុខា ដែរ តែសុំបន្ថែមពីរកន្ទុយទៀតថា ត្រូវតែបង្កើតច្បាប់មួយទៀតដែលប្រឆាំងអ្នកដែលរារាំង ០០៣ និង ០០៤ ទៀត។ ខ្ញុំជាអ្នករងគ្រោះរបបខ្មែរក្រហម អ៊ីចឹងបានយុត្តិធម៌។ ខ្ញុំជាអ្នករងគ្រោះរបបខ្មែរក្រហមមួយគ្រួសារ ស្លាប់ទាំងអស់ សល់តែម្នាក់ឯងមិនទាន់បានទទួលយុត្តិធម៌ផងហ្នឹង»។
ចំណែកប្រធានក្រុមអ្នកតំណាងរាស្ត្រគណបក្សជំទាស់ លោក សុន ឆ័យ ចាត់ទុកថា ដំណើរពិនិត្យ និងអនុម័តសេចក្តីស្នើច្បាប់ ដែលរដ្ឋសភាធ្វើឡើងបន្ទាន់បែបនេះ ជាការបំពេញចិត្តបុគ្គលលោកនាយករដ្ឋមន្ត្រី ហ៊ុន សែន ជាជាងបម្រើផលប្រយោជន៍សាធារណៈ។ លោកបន្តថា គណបក្សសង្គ្រោះជាតិ គាំទ្រច្បាប់ដែលដាក់ទោសខ្មែរក្រហម និងអ្នកគាំទ្ររបបខ្មែរក្រហមឲ្យវិលមកវិញ តែមិនមែនគាំទ្រច្បាប់ដែលសភាចាំតែប្រថាប់ត្រាតាមសម្ដីអ្នក ដឹកនាំគណបក្សកាន់អំណាចឡើយ។ លោកបន្តថា ច្បាប់ថ្មីនេះគ្រាន់តែបម្រើផលប្រយោជន៍នយោបាយរបស់គណបក្សកាន់ អំណាចប៉ុណ្ណោះ៖ «ចាំបាច់រដ្ឋសភាត្រូវរៀបចំពិនិត្យឡើងវិញ ជៀសវាងកុំឲ្យបន្តធ្វើការងារដែលគេហៅភាសាសាមញ្ញថា សភាប្រថាប់ត្រា ចាំតែនាយករដ្ឋមន្ត្រីថា បានធ្វើតាម។ រឿងនេះធ្វើឲ្យបាត់បង់គោលការណ៍ច្បាប់ជាមូលដ្ឋានហ្នឹងអស់ហើយ»។
ទោះយ៉ាងណាក្តី លោកនាយករដ្ឋមន្ត្រី ហ៊ុន សែន បានថ្លែងថា ច្បាប់ថ្មីនេះនឹងមិនប៉ះពាល់ដល់សិទ្ធិសេរីភាពក្នុងការបញ្ចេញមតិ ឬរងការហាមឃាត់ពីអង្គការសហប្រជាជាតិឡើយ។ ហើយច្បាប់នេះ ជាការដាក់កំហិតអ្នកណាថាគ្មានរបបប្រល័យពូជសាសន៍ គឺត្រូវមានទោស និងដើម្បីធានាថា របបខ្មែរក្រហមនឹងមិនអាចវិលមកវិញទេ។
ចំណែកឯតំណាងរាស្ត្រគណបក្សប្រជាជនកម្ពុជា លោក ឈាង វុន ដែលធ្លាប់រងការស្តីបន្ទោសក្នុងករណីហៅលោក កឹម សុខា ជាមនុស្សព្នងមិនដឹងអីនោះ មានប្រសាសន៍ប្រាប់កាសែតក្នុងស្រុកថា ច្បាប់ថ្មីនេះមានសារៈសំខាន់ ហើយមិនមែនជាឧបសគ្គក្នុងសាលាក្តីខ្មែរក្រហមឡើយ។
រដ្ឋសភាកម្ពុជា ធ្លាប់អនុម័តច្បាប់ដោយប្រញាប់បែបនេះម្តងជាពីរដងរួចទៅហើយ។ កាលពីឆ្នាំ២០០៦ រដ្ឋសភាបានអនុម័តច្បាប់ឯកពន្ធនភាព ឬច្បាប់ប្ដីមួយប្រពន្ធមួយ ដើម្បីបើកផ្លូវឲ្យអ្នកអង្គម្ចាស់ក្សត្រី ម៉ារី រណឫទ្ធិ ជាអតីតមហេសីរបស់សម្ដេចក្រុមព្រះ នរោត្តម រណឫទ្ធិ ប្ដឹងស្វាមីព្រះអង្គ ហើយចុងក្រោយសម្ដេចក្រុមព្រះ ក៏ត្រូវចាញ់ក្តី។ ពេលនោះហើយដែលឥទ្ធិពលនយោបាយគណបក្សហ៊្វុនស៊ិនប៉ិច ត្រូវបន្សាបបន្តិចម្តងៗរហូតដល់បែកបាក់ផ្ទៃក្នុងជាបន្តបន្ទាប់។ គណបក្សដែលបានផលចំណេញសំឡេងឆ្នោតច្រើនជាងគេ គឺគណបក្សប្រជាជនកម្ពុជា និងបន្ទាប់មក គឺគណបក្ស សម រង្ស៉ី។
កាលពីឆ្នាំ២០១០ រដ្ឋសភាក៏បានអនុម័តច្បាប់ប្រឆាំងអំពើពុករលួយប្រញាប់ដែរ ទោះបីជាមានទស្សនៈជាច្រើនយល់ថា គួរសិក្សាឲ្យបានលម្អិតជាមុនសិនក៏ដោយ។ ច្បាប់ប្រឆាំងអំពើពុករលួយចេញមិនទាន់បានប៉ុន្មានផង អង្គភាពប្រឆាំងអំពើពុករលួយបានធ្វើការបោសសម្អាតអំពើពុករលួយ គ្រឿងញៀនដ៏ធំ ដែលមានជនសង្ស័យជាអតីតឧត្តមសេនីយ៍ផ្កាយបី លោក ម៉ឹក ដារ៉ា អតីតស្នងការនគរបាលខេត្តបន្ទាយមានជ័យ លោក ហ៊ុន ហ៊ាន និងកូនចៅមួយចំនួនទៀត។ បន្ទាប់មក ក៏ចាប់អតីតព្រះរាជអាជ្ញាខេត្តពោធិ៍សាត់ តុប ច័ន្ទសិរីវុធ ពីបទស៊ីសំណូក និងបន្តចាប់ខ្លួនមន្ត្រីដែលស្និតនឹងប្រធានព្រឹទ្ធសភា លោក ជា ស៊ីម ជាច្រើននាក់ទៀត។ ករណីដែលគួរឲ្យចាប់អារម្មណ៍នោះ គឺប្រធានកងអង្គរក្សលោក ជា ស៊ីម អតីតឧត្តមសេនីយ៍ឯក លោក ឈឿន ចាន់ថន ហៅ ម៉ៅ ដែលលោកនាយករដ្ឋមន្ត្រី ហ៊ុន សែន ធ្លាប់ជេរនៅក្នុងការជួបជុំរបស់កងទ័ពនោះ ក៏ត្រូវបានចាប់ខ្លួនដែរ ដោយជាប់ពាក់ព័ន្ធបទល្មើសជាច្រើនករណី។ ក្នុងការចាប់ខ្លួនមនុស្សជំនិតរបស់ប្រធានរដ្ឋសភានេះ មិនមានអ្នកវិភាគណាហ៊ានធ្វើសេចក្តីសន្និដ្ឋាននោះទេ ដោយគ្រាន់តែបញ្ជាក់ថា ជាការជម្រុះត្រីស្អុយក្នុងបក្សកាន់អំណាចប៉ុណ្ណោះ។
កាលពីចុងខែមេសា ឆ្នាំ២០១៣ នេះ លោកនាយករដ្ឋមន្ត្រី ហ៊ុន សែន បានប្រកាសថានឹងប្ដូរអភិបាលខេត្ត រាជធានីទាំង១០ និងបញ្ជាឲ្យពិនិត្យធ្វើវិសោធនកម្មច្បាប់ស្ដីពីការរៀបចំ និងប្រព្រឹត្តទៅនៃទីស្ដីការគណៈរដ្ឋមន្ត្រី មាត្រាទី២៨ ដែលកាលពីមុនការជ្រើសមន្ត្រីក្របខ័ណ្ឌចូលបម្រើក្នុងស្ថាប័នរដ្ឋ ជាភារកិច្ចរបស់រដ្ឋមន្ត្រីក្រសួងនីមួយៗ។ ប៉ុន្តែលោក ហ៊ុន សែន ចង់ឲ្យចៅហ្វាយខេត្តធ្វើការងារនេះជំនួសវិញ។ នៅដើមខែឧសភា រដ្ឋសភាក៏បានប្រជុំពិភាក្សាលើបញ្ហានេះ ហើយក៏បានអនុម័តតាមសំណើនេះ ដោយសំឡេងគាំទ្រជាង ៨០សំឡេង ហើយច្បាប់នេះរង់ចាំតែព្រឹទ្ធសភាអនុម័ត និងព្រះមហាក្សត្រឡាយព្រះហស្តលេខាជាការស្រេច។
ទាក់ទងនឹងការបង្កើតច្បាប់ប្រឆាំងអ្នកដែលមិនទទួលស្គាល់បទ ឧក្រិដ្ឋក្នុងរបបខ្មែរក្រហមវិញ អ្នកជំនាញវិទ្យាសាស្ត្រនយោបាយ និងជាអ្នកវិភាគឯករាជ្យ លោកបណ្ឌិត ឡៅ ម៉ុងហៃ ហាក់សម្ដែងការមិនសប្បាយចិត្តទេ។ លោកមានប្រសាសន៍ថា នៅប្រទេសតំបន់អឺរ៉ុប គេអនុម័តច្បាប់ប្រឆាំងរបបណាហ្ស៊ី លុះត្រាតែបញ្ចប់ការផ្ដន្ទាទោសមេដឹកនាំណាហ្ស៊ី រួចរាល់។
លោកបន្តថា លោកគាំទ្រឲ្យបង្កើតច្បាប់នេះ តែត្រូវសិក្សាស្រាវជ្រាវពីអត្ថប្រយោជន៍នៃច្បាប់ជាមុនសិន មិនមែនបង្កើតតាមចិត្តលោកនាយករដ្ឋមន្ត្រីឡើយ ព្រោះរដ្ឋធម្មនុញ្ញមិនមែនជាកម្មសិទ្ធិផ្តាច់មុខរបស់បក្សប្រជាជន ទេ តែជារបស់ជាតិខ្មែរទាំងមូល៖ «ច្បាប់នៅក្នុងរដ្ឋធម្មនុញ្ញ យ៉ាងហោចណាស់ពីរដែរ គឺច្បាប់ស្ដីពីការរៀបចំ និងប្រព្រឹត្តទៅតុលាការ និងសហលក្ខន្តិកៈព្រះរាជអាជ្ញាអត់មានទេណា! ចុះអាហ្នឹងហេតុអីក៏ប្រញាប់មេ្ល៉ះ អាលំអាលាយជាតិអាលូវហ្នឹងអី? យើងធ្វើអាលូវហ្នឹង បើតុលាការរកអត់ឃើញពីអំពើប្រល័យពូជសាសន៍វិញ មិនខុសអស់ទៅហើយអ៊ីចឹង»។
សេចក្តីស្នើច្បាប់ស្ដីពីការប្រឆាំងការមិនទទួលស្គាល់ ឧក្រិដ្ឋកម្ម ដែលប្រព្រឹត្តឡើងក្នុងរយៈកាលនៃកម្ពុជាប្រជាធិបតេយ្យ មានមួយជំពូក និងមាន ៥មាត្រា។ ទំហំដាក់ទោសអ្នកដែលបំពាន អាចឲ្យជាប់គុករយៈពេលវែងបំផុត ២ឆ្នាំ និងពិន័យជាប្រាក់ ៤លានរៀល។ កាលពីខែមុន រដ្ឋសភាឥណ្ឌា ទើបបានអនុម័តច្បាប់ថ្មីមួយដែលមិនអនុញ្ញាតឲ្យអាជីវករតាមហាង ទំនិញ លក់រូបសំណាក ឬម៉ាឡាកាំងឡើយ ដើម្បីកាត់បន្ថយអំពើរំលោភសេពសន្ថវៈ ឬការរំលោភផ្លូវភេទ បន្ទាប់ពីអំពើរំលោភផ្លូវភេទកាន់តែព្រៃផ្សៃ និងមានទំហំកាន់តែគួរឲ្យព្រួយបារម្ភ។
អ្នកវិភាគដាក់សំណួរថា តើច្បាប់ប្រឆាំងអ្នកដែលហ៊ាននិយាយថា របបខ្មែរក្រហមមិនសម្លាប់មនុស្សនោះ នឹងផ្តល់ប្រយោជន៍បែបណាចំពោះជាតិ? បើបច្ចុប្បន្ន អតីតមេទ័ពតំបន់ និងមន្ត្រីជាន់ខ្ពស់កម្មាភិបាលខ្មែរក្រហម កំពុងតែកាន់តំណែងជាមន្ត្រីជាន់ខ្ពស់ក្នុងជួររាជរដ្ឋាភិបាលដែរ នោះ?
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
[source] http://www.rfa.org/khmer/news/law/law-against-who-not-recognize-krt-06042013092524.html
Labels:នយោបាយ (Politic)
Subscribe to:
Post Comments
(Atom)
0 comments:
Post a Comment
Thank you for your comments!