ចូលរួមជាមួយប្លុកKFM

ហ្វេសប៊ុកពត៌មានខ្មែរសិរី

VISITOR

Flag Counter

Total Pageviews

ព្រះពុទ្ធសាសនា

ព្រះមហា​បណ្ឌិត​ ហុក សាវណ្ណ​ 1 2
ព្រះតេជគុណ​ សាន សុជា 1 2

អានរឿងនិទាន

Powered by Blogger.
Tuesday, June 11, 2013
មន្ត្រី​ជាន់​ខ្ពស់​រដ្ឋ​សភា​កម្ពុជា មក​ពី​គណបក្ស​ប្រជាជន​កម្ពុជា បាន​បណ្ដេញ​តំណាងរាស្ត្រ​គណបក្ស​ប្រឆាំង​មិន​ឲ្យ​និយាយ​ជាមួយ​អ្នក​កាសែត​នៅ ​ក្នុង​បរិវេណ​មន្ទីរ​រដ្ឋ​សភា។ តំណាងរាស្ត្រ​បក្ស​ប្រឆាំង និង​សង្គម​ស៊ីវិល បាន​ចាត់​ទុក​សកម្មភាព និង​ការ​ប្រើ​ពាក្យ​ប្រមាថ​របស់​មន្ត្រី​រដ្ឋ​សភា​បក្ស​កាន់​អំណាច ថា​ស្ដែង​ឲ្យ​ឃើញ​ពី​ចរិត​កោងកាច និង​មាន​ចរិត​ផ្ដាច់ការ។


ដោយ ដែន អយុធ្យា
2013-06-10
ឈាង វុន សុន ឆ័យ ៣០៥
១០-មិថុនា-២០១៣៖ ប្រធាន​គណៈកម្មការ​កិច្ចការ​បរទេស
 សហប្រតិបត្តិការ​អន្តរជាតិ ឃោសនាការ
 និង​ព័ត៌មាន​នៃ​រដ្ឋ​សភា លោក ឈាង វុន (ឆ្វេង) 
បណ្ដេញ​លោក សុន ឆ័យ ចេញ​ពី​បរិវេណ​រដ្ឋ​សភា 
មិន​ឲ្យ​ឆ្លើយ​សំណួរ​អ្នក​កាសែត។
RFA/Mom Sophon
ប្រធាន​គណៈកម្មការ​កិច្ចការ​បរទេស សហប្រតិបត្តិការ​អន្តរជាតិ ឃោសនាការ និង​ព័ត៌មាន​នៃ​រដ្ឋ​សភា លោក ឈាង វុន បាន​បណ្ដេញ​លោក សុន ឆ័យ តំណាងរាស្ត្រ​គណបក្ស សម រង្ស៊ី ចេញ​ពី​រដ្ឋ​សភា នៅ​ព្រឹក​ថ្ងៃ​ច័ន្ទ ទី​១០ ខែ​មិថុនា ឆ្នាំ​២០១៣។
ការ​បណ្តេញ​នេះ​កើត​ឡើង​បន្ទាប់​ពី​​លោក ឈាង វុន បាន​បញ្ចប់​ធ្វើ​សន្និសីទ​កាសែត​ស្តីពី​ការ​សម្រេច​បង្កក​ប្រាក់​ខែ និង​បញ្ឈប់​តួនាទី​តំណាង​រាស្ត្រ ២៩​រូប មក​ពី​គណបក្ស សម រង្ស៊ី គណបក្ស​សិទ្ធិ​មនុស្ស និង​គណបក្ស នរោត្តម រណឫទ្ធិ។

លោក ឈាង វុន បាន​ប្រកាស​ថា លោក សុន ឆ័យ មិន​មែន​ជា​សមាជិក​រដ្ឋ​សភា​ទៀត​​ទេ ដូច្នេះ​លោក សុន ឆ័យ គ្មាន​សិទ្ធិ​ធ្វើ​សន្និសីទ​កាសែត​ក្នុង​រដ្ឋ​សភា​ទេ។
លោក សុន ឆ័យ តំណាងរាស្ត្រ​គណបក្ស សម រង្ស៊ី បាន​ចាត់​ទុក​កាយវិការ និង​ពាក្យ​សម្ដី​ប្រមាថ​មក​លើ​រូប​លោក​ផ្តើម​ដោយ​លោក ឈាង វុន ថា​បង្ហាញ​ឲ្យ​ឃើញ​ចរិត​ផ្តាច់ការ​របស់​មន្ត្រី​បក្ស​កាន់​អំណាច។ លោក​បញ្ជាក់​ថា មូល​ហេតុ​ដែល​​លោក ឈាង វុន ដេញ​លោក​ចេញ​ពី​រដ្ឋ​សភា ដោយ​​សារ​រូប​លោក​ឆ្លើយ​សំណួរ​របស់​អ្នក​កាសែត​ដែល​បាន​សួរ​នាំ​ជុំវិញ​ បញ្ហា​រដ្ឋ​សភា​បង្កក​ប្រាក់ខែ និង​បញ្ឈប់​តួនាទី​តំណាងរាស្ត្រ​បក្ស​ប្រឆាំង​ចំនួន ២៩​រូប​ តាម​រយៈ​កិច្ច​ប្រជុំ​​គណៈអចិន្ត្រៃយ៍​រដ្ឋ​សភា​មក​ពី​គណបក្ស​ប្រជាជន​ កម្ពុជា កាល​ពី​ថ្ងៃ​ទី​៥ ខែ​មិថុនា។

លោក កែម ឡី អ្នក​វិភាគ​ឯករាជ្យ និង​ជា​អ្នក​ស្រាវជ្រាវ​ការ​អភិវឌ្ឍ​សង្គម បាន​សោកស្ដាយ​ដែល​មាន​អ្នក​នយោបាយ​មួយ​ចំនួន​គ្មាន​​​ក្រមសីលធម៌​ក្នុង​ការ​ និយាយ​ស្តី ដើម្បី​ធ្វើ​ជា​គំរូ​ដល់​យុវជន​ជំនាន់​ក្រោយ។ លោក​បាន​រិះគន់​សកម្មភាព​ និង​ទង្វើ​របស់​មន្ត្រី​ស្ថាប័ន​​កំពូល​នៃ​រដ្ឋ​កម្ពុជា ថា​អាច​នាំ​ឲ្យ​ប៉ះពាល់​ដល់​កិត្តិយស​ជាតិ។

ដូចគ្នា​នេះ​ដែរ លោក រ៉ុង ឈុន ប្រធាន​សមាគម​គ្រូ​បង្រៀន​កម្ពុជា​ឯករាជ្យ ​បាន​រិះគន់ និង​សោកស្ដាយ​ទង្វើ​របស់​មន្ត្រី​រដ្ឋ​សភា​គណបក្ស​​ប្រជាជន​កម្ពុជា បម្រើ​ការ​ក្នុង​ស្ថាប័ន​ច្បាប់ តែ​បែរ​ជា​ប្រើ​ពាក្យ​សម្ដី ឬ​ប្រកាន់​យក​ចរិត​ដូច​មនុស្ស​មិន​ទទួល​បាន​ការ​អប់រំ។ លោក​ថ្លែង​ថា មិន​អាច​ទទួល​យក​បាន​ទេ​ចំពោះ​ទង្វើ​របស់​លោក ឈាង វុន ដែល​បាន​ប្រើ​សម្ដី ឬ​ធ្វើ​ទង្វើ​អសីលធម៌​ក្នុង​នាម​ជា​មន្ត្រី​ជាន់​ខ្ពស់​បម្រើ​ការ​ក្នុង​ ស្ថាប័ន​កំពូល​របស់​ជាតិ​នោះ។

កន្លង​មក លោក ឈាង វុន ​ធ្លាប់​បាន​ចំអក និង​ប្រើ​ពាក្យ​ប្រមាថ​ដោយ​ប្រដូច​អ្នក​តំណាងរាស្ត្រ​គណបក្ស​ប្រឆាំង​ទៅ​នឹង ​ជនជាតិ​ព្នង​ដែល​ចង់​សំដៅ​​គ្មាន​ការ​អប់រំ ឬ​មិន​មាន​ការ​យល់​ដឹង​ខ្ពង់ខ្ពស់ ឬ​មាន​លក្ខណៈ​កាច​សាហាវ​ជាដើម។ ការ​ប្រដូច​នេះ ត្រូវ​បាន​ជនជាតិ​ដើម​ភាគ​តិច​ព្នង​ប្រតិកម្ម និង​ទាមទារ​ឲ្យ​លោក ឈាង វុន សុំ​ទោស​ជា​សាធារណៈ ព្រោះ​បាន​ប្រមាថ​ដល់​ជន​ជាតិ​ព្នង៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

0 comments:

Post a Comment

Thank you for your comments!

ឧបត្ថម្ភដោយ ក្រុមហ៊ុនតេឡេខំម្ញូណេត្សិន
សេវាកម្មទូរស័ព្ទផ្ទះផ្តល់ជួនតម្លៃពិសេសនិងអាចតេទៅកាន់80ប្រទេស ដោយគ្មានកំណត់⁣ ថែមទាំងលោកអ្នកអាចប្រើមិនគិតថ្លៃ បើលោកអ្នករកបានអតិថិជនដែលប្រើសេវាកម្មដូចគ្នាបាន៥នាក់សម្រាប់អតិថិជននៅក្នុងប្រទេសទាំងនេះ

សូមចុចតាមប្រទេសលោកអ្នករស់នៅ ដើម្បីពត៌មានបន្ថែមឬក៍ជាវ

សហរដ្ឋអាមេរិក
កាណាដា
អូស្រ្តាលី
បារាំង
​​​​​​​​​​​​​​​​​​កូរ៉េខាងត្បូង
និងប្រទេសជាច្រើនទៀត