ចូលរួមជាមួយប្លុកKFM

ហ្វេសប៊ុកពត៌មានខ្មែរសិរី

VISITOR

Flag Counter

Total Pageviews

ព្រះពុទ្ធសាសនា

ព្រះមហា​បណ្ឌិត​ ហុក សាវណ្ណ​ 1 2
ព្រះតេជគុណ​ សាន សុជា 1 2

អានរឿងនិទាន

Powered by Blogger.
Friday, August 9, 2013

កងទ័ព​ការពារជាតិ​ត្រូវ​បាន​បង្គាប់​ឲ្យ​ស្បថ​ការពារ​តំណែង​នាយករដ្ឋមន្ត្រី​ហ៊ុន សែន​​


https://www.youtube.com/watch?feature=player_embedded&v=mdC0J3ldVnc

ដោយ៖​ ថុល ស្រី​លក្ខណ៍ ញឹម សុខន និង ​អ៊ឹង ប៊ុនថន​​ | ថ្ងៃព្រហស្បត្តិ៍ ទី8 ខែសីហា ឆ្នាំ2013, ម៉ោង 05:53 PM​ VOD
​កង​យុទ្ធ​ពល​ខេមរភូមិន្ទ​ដែល​ច្បាប់​កំណត់ថា ជា​អ្នក​ការពារ​ជាតិ ការពារ​រាជ​ប​ល័​ង្គ និង​ការពារ​ប្រជាជន​ខ្មែរ​នោះ ត្រូវបាន​គេបង្គាប់​ឲ្យស្បថ​បន្ថែមទៀត កាល​ពី​ថ្ងៃ​ទី០​៧​ ខែ​សីហា​ ឆ្នាំ​២០១៣នេះ ឲ្យ​ការពារ​ក្រុមគ្រួសារ និង​តំណែង​លោកនាយក​រដ្ឋមន្ត្រី​ ហ៊ុន សែន។​
តាម​វីដេអូ បង្ហោះ​​ក្នុងប្រព័ន្ធ​អ៊ិន​ធើណេ​ត ឲ្យដឹងថា កាលពី​ថ្ងៃ​ទី​០៧​ ខែ​សីហា កង​​យុទ្ធ​ពល​ខេមរភូមិន្ទ​មួយក្រុម ត្រូវបាន​គេ​និយាយ​នាំមុខ​ឲ្យ​ស្បថ សច្ចា​ប្រណិ​ធាន ៦​ចំណុច ដូច​ជា ប្តេជ្ញា​ការពារ រាជ​​ប​ល័​ង្គ ការពារ​បូរ​ណភាព​ទឹកដី ជា​ពិសេស​​ការពារ​ ក្រុមគ្រួសារ​លោក​នាយករដ្ឋមន្ត្រី​​ ហ៊ុន ​សែន និង​​ទប់ស្កាត់​ការធ្វើ​បាតុកម្ម​​ទម្លាក់​ពី​​អំណាច ៖ "ប្តេជ្ញាៗ អនុវត្ត​តាមៗ បទ​បញ្ជាៗ ការ​ពារៗ បង្ក្រាបៗ ទប់​ស្កាត់អំពើកុប​កម្ម​ៗ បាតុកម្ម​​ខុស​ច្បាប់ៗ ដែល​ប៉ុនប៉ងផ្តួល​រំលំៗ សម្តេច​តេជោ​សែនៗ របស់​ពួក​ជ្រុល​និយមៗ ក្រុម​ប្រ​ឆាំងៗ និង​ស្ថាន​ភាព​ៗ អសន្តិ​សុខ​ផ្សេង​ៗ​ក្នុង​សង្គមៗ ឲ្យ​បាន​ដាច់​ខាតៗ សូម​សច្ចាៗៗៗ"។
​ការបញ្ជាឲ្យ​កងទ័ព​ស្បថ​នេះ ធ្វើឡើងបន្ទាប់​ពី​គណបក្ស​ប្រឆាំង​គំរាម​ដឹកនាំ ធ្វើ​បាតុកម្ម​ទូទាំងប្រទេស ដើម្បី​ទាមទា​រក​យុទ្ធ​ធម៌​ជូន​ម្ចាស់​ឆ្នោត ដែល​គណបក្ស​ប្រឆាំង​មួយ​នេះ អះអាង​ថា​ខ្លួន​បាន​ឈ្នះ​ការបោះឆ្នោត អាណត្តិ​ទី​៥​នេះ។​


​ប្រធាន​សមាគម​មន្ត្រីរាជការ​ឯករាជ្យ​កម្ពុជា ​លោក កៅ ពឿ​ន យល់ថា ពាក្យសម្បថ​របស់​ទាហាន​នៅពេលនេះ ហាក់​កំពុង​គំរាមកំហែង ប្រជាពលរដ្ឋ ឲ្យ​​បាក់​ស្បាត និង​ភ័យខ្លាច លែង​ហ៊ាន​​ទាមទារ​នូវ​អ្វី​ដែល​ខ្លួន​ចង់បាន​ ៖ "គិតថាវា​មិន​ល្អ ជា​​សញ្ញា​អសន្តិ​សុខសម្រាប់​ប្រជា​ពលរដ្ឋ​របស់​យើង ព្រោះ​ប្រជា​ពលរដ្ឋ​របស់​យើង​​កំពុង​តែ​មាន​ការ​ភ័យ​ខ្លាច ហើយ​ដល់​ពេល​​មក​ស្បថ​បង្ក្រាប​បាតុ​កម្ម​ កូដ​កម្មអី​ខុស​ច្បាប់​អី​អញ្ចឹង"។​

​ក្រុម​មន្ត្រី​ក្រសួង​ការពារ​​ជាតិមួយចំនួន​មិនអាច​ទាក់ទង​បាន​ទេ​។ ប៉ុន្តែ​អគ្គបញ្ជាការរង​នៃ​កង​យុទ្ធ​ពល​ខេមរៈ​ភូមិន្ទ និង​ជា​មេបញ្ជាការ​កង​អង្គរក្ស​លោក​នាយក​​​រដ្ឋមន្ត្រី​គឺ លោក ហ៊ី​ង ប៊ុន​ហៀ​ង មានប្រសាសន៍ថា ការស្បថ​​នេះ ធ្វើឡើង​បន្ទាប់​ពី បញ្ចប់​​វគ្គ​របស់​កង​កម្លាំង​​យោធា តែ​លោក​បាន​បិទ​ទូរស័ព្ទ​នៅ​​ពេល​សួរ​ពី​មូល​ហេតុ​ នៃ​ការស្បថ​ឲ្យ​ការពារ​គ្រួសារ​​លោក​នាយករដ្ឋមន្ត្រី​​នោះ​ ៖ "ទេ​ហើយ​ចុះ​អ្នក​​​ឯង​មិន​សួរ​ច្បាប់ ហើយ​កង​ទ័ព​ម្នាក់​ៗ​ក្រែង​ស្មោះ​ត្រង់ជាតិ​មាតុ​ភូមិ ការ​ពារ​ជាតិ​សាសនា​ ព្រះ​មហា​ក្សត្រ និង​រដ្ឋ​ធម្ម​នុញ្ញ រឿង​ហ្នឹង​យក​ទៅសួរ​ឯក​ឧត្តម​​ឧប​ ទៀ បាញ់​ ទៀត​ទៅ"។

អ្នកវិភាគ​នយោបាយ លោក​បណ្ឌិត សុខ ទូច អះអាងថា សម្បថ​​៦​ប្រការ​នេះ​ មាន​ចំណុច​ខ្លះ​ត្រូវ​ច្បាប់​និង​ចំណុច​ខ្លះ​ខុសច្បាប់​ ៖ "តាម​ពិត​កង​ទ័ព​បម្រើ​ឲ្យ ការ​ពារ​ទឹក​ដី​ ការ​ពារ​រដ្ឋ​ធម្ម​នុញ្ញ និង​​ព្រះ​មហា​ក្សត្រ​ជា​ដើម ដល់​ពេល​ការ​ពារ​គ្រួសារ​អី​ទៀត អាហ្នឹង​វា​ជា​រឿង​ចម្លែក​ ហើយ​បើ​រឿង​បង្ក្រាប​រឿង​អី​បាតុ​កម្ម មិន​ទៅ​ជា​នីតិ​វិធី​​ច្បាប់​​របស់​កង​កម្លាំង​ទេ ព្រោះ​យើង​កាន់​លិទ្ធិ​ប្រជា​ធិបតេយ្យ​ ប្រជា​ជន​មាន​សិទ្ធិ​បញ្ចេញ​យោ​បល់ និង​សេរិភាព​ក្នុង​ការ​​ធ្វើ​បាតុកម្ម​"។

តាម​លទ្ធផល​បណ្តោះអាសន្ន​ បង្ហាញថា គណបក្ស​ប្រជាជន​​កម្ពុជា បាន​បាត់បង់​អាសនៈ​ក្នុង​សភា យ៉ាងតិច ២២​អាសនៈ ដែល​​ពីមុន​មាន​៩០​អាសនៈ​នោះ ប៉ុន្តែ​គណបក្ស​នេះ អះអាងថា ខ្លួន​នៅតែ​ឈ្នះ​ការបោះឆ្នោត​។ ចំណែក​គណបក្ស​សង្គ្រោះ​ជាតិ អះអាងថា ខ្លួន​ទេ​ជា​អ្នកឈ្នះឆ្នោត ដោយ​ទទួល​បាន​៦៣​អាសនៈ ហើយ​បើ​ គ.ជ.ប ប្រកាស​ថា​បក្សប្រឆាំង​នេះ​ចាញ់ នោះ​ខ្លួន​នឹង​ដឹកនាំ​ពលរដ្ឋ​ធ្វើបាតុកម្ម​នៅ​ទូទាំង​ប្រទេស​៕

សូមសរសេរមកអ្នកនាង ថុល​ ស្រីលក្ខណ៍ តាមរយៈ sreyleak@vodhotnews.com
Posted by អ្នកស្រែ

0 comments:

Post a Comment

Thank you for your comments!

ឧបត្ថម្ភដោយ ក្រុមហ៊ុនតេឡេខំម្ញូណេត្សិន
សេវាកម្មទូរស័ព្ទផ្ទះផ្តល់ជួនតម្លៃពិសេសនិងអាចតេទៅកាន់80ប្រទេស ដោយគ្មានកំណត់⁣ ថែមទាំងលោកអ្នកអាចប្រើមិនគិតថ្លៃ បើលោកអ្នករកបានអតិថិជនដែលប្រើសេវាកម្មដូចគ្នាបាន៥នាក់សម្រាប់អតិថិជននៅក្នុងប្រទេសទាំងនេះ

សូមចុចតាមប្រទេសលោកអ្នករស់នៅ ដើម្បីពត៌មានបន្ថែមឬក៍ជាវ

សហរដ្ឋអាមេរិក
កាណាដា
អូស្រ្តាលី
បារាំង
​​​​​​​​​​​​​​​​​​កូរ៉េខាងត្បូង
និងប្រទេសជាច្រើនទៀត