ហ្វេសប៊ុកពត៌មានខ្មែរសិរី
VISITOR
វេបសាយកំណាព្យល្អៗ
វេបសាយខ្មែរល្អៗ
វចនានុក្រម
គេហទំពរសម្រាប់រៀន IT
Friday, June 14, 2013
14 មិថុនា 2013
វ៉ាស៊ីនតោន - ក្រុមមេដឹកនាំគណបក្សជំទាស់ព្រួយបារម្ភចំពោះ ដំណើរការប្រជាធិបតេយ្យក្នុងប្រទេសកម្ពុជា ក្រោយពីបក្សកាន់អំណាចមានការបណ្តេញតំណាងរាស្ត្រគណបក្សជំទាស់២៩រូប ចេញពីសភា និងបង្កកប្រាក់ខែខុសច្បាប់។
ក្រុមមេដឹកនាំក្រុមជំទាស់ទាំងពីរកំពុងតែស្ទាបស្ទង់មើលថា កម្ពុជាគួរមានច្បាប់ការពារតំណាងរាស្ត្រ ឬកែប្រែប្រព័ន្ធបោះឆ្នោតទៅជាប្រព័ន្ធឯកត្តនាមឬយ៉ាងណា?
ថ្លែងក្នុងកម្មវិធី ហេឡូវីអូអេកាលពីយប់ថ្ងៃព្រហស្បតិ៍ លោកសឺន ស៊ូប៊ែរ្តិ៍ ប្រធានគណបក្សសិទ្ធិមនុស្សនិងលោកសុន ឆ័យ អ្នកតំណាងរាស្ត្រគណបក្សសម រង្ស៉ី ដែលបច្ចុប្បន្នក្លាយជាគណបក្សសង្គ្រោះជាតិ បានអះអាងថា កម្ពុជាគួរមានច្បាប់ ការពារអ្នកតំណាងរាស្ត្រដើម្បីឲ្យពួកគេមានសិទ្ធិសេរីភាព គ្រប់គ្រាន់ក្នុងការ ការពារប្រជាពលរដ្ឋដោយមិនខ្លាចគណបក្ស ឬការបណ្តេញចេញពីសភាដោយមិនត្រឹមត្រូវតាមច្បាប់។
លោកវាគ្មិនទាំងពីរបានអះអាងថា នៅប្រទេសដ៏ជឿនលឿនផ្នែកប្រជាធិបតេយ្យគេបានធ្វើរួចហើយ លើកលែងតែប្រទេសកុំម្មុយនីស្ត ដែលនៅបន្តគ្រប់គ្រងសមាជិករបស់ខ្លួន។ សូមស្តាប់កម្មវិធីហេឡូវីអូអេទាំងស្រុង កាលពីយប់ថ្ងៃព្រហស្បតិ៍ទី១៣ ខែមិថុនា ឆ្នាំ២០១៣ ដែលលោកវាគ្មិនទាំងពីររូបគឺលោកសឺន ស៊ូប៊ែរ្តិ៍ និងលោកសុន ឆ័យបកស្រាយបន្ថែម៕
[source] http://khmer.voanews.com/content/explulsion-of-lawmakers-from-national-assembly/1681657.html
Subscribe to:
Post Comments
(Atom)
0 comments:
Post a Comment
Thank you for your comments!