ចូលរួមជាមួយប្លុកKFM

ហ្វេសប៊ុកពត៌មានខ្មែរសិរី

VISITOR

Flag Counter

Total Pageviews



ព្រះពុទ្ធសាសនា

ព្រះមហា​បណ្ឌិត​ ហុក សាវណ្ណ​ 1 2
ព្រះតេជគុណ​ សាន សុជា 1 2

អានរឿងនិទាន

Powered by Blogger.
Sunday, August 31, 2014

ដោយ៖​ ឡាយ សាមាន​
ថ្ងៃចន្ទ ទី1 កញ្ញា 2014
http://vodhotnews.com
មើលរូបភាពបន្ថែម
ក្រុមប្រជាពលរដ្ឋសហគមន៍​ផ្លូវ​រថភ្លើងប្រមូល​ផ្ដុំ​តវ៉ា​នៅមុខ​ADB ​នៅព្រឹក​ថ្ងៃ​ចន្ទ​នេះ (រូបភាព៖ ឡាយ សាមាន)
​ប្រជាពលរដ្ឋ​នៅ​សហគមន៍​ផ្លូវ​រថភ្លើង​ស្នើឲ្យ​ធនាគារ​អភិវឌ្ឍន៍អាស៊ី ADB ផ្ដល់​ព័ត៌មាន​ជាក់លាក់​ពី​គម្រោង​នៃ​ការអភិវឌ្ឍ​ដើម្បី​បញ្ចៀស​ ការព្រួយបារម្ភ​ដែល​បណ្ដាល​មក​ពី​ព័ត៌មាន​មិន​ច្បាស់លាស់ ។​
​ប្រជាពលរដ្ឋ​នៅ​សហគមន៍​ផ្លូវ​រថភ្លើង​ជិត​២០០​នាក់ នៅ​ព្រឹក​ថ្ងៃ​ចន្ទ​នេះ ប្រមូលផ្ដុំ​នៅ​មុខ​ធនាគារ​អភិវឌ្ឍន៍អាស៊ី ADB ដោយ​មាន​លើក​បដា និង​ប្រើ​គ្រឿង​បំពង​សំឡេង ទាមទារ​ឲ្យ​ធនាគារ​នេះ​ផ្ដល់​នូវ​ព័ត៌មាន​ច្បាស់លាស់​ពី​គម្រោង​នៃ​ ការអភិវឌ្ឍ​ផ្លូវ​រថភ្លើង ដោយសារ​ប្រជាពលរដ្ឋ​កំពុង​ព្រួយបារម្ភ​ពី​ការបណ្ដេញចេញ​ដោយ​បង្ខំ ព្រោះ​តែ​ព័ត៌មាន​ដែល​ពួកគាត់​ទទួលបាន​មិន​ដូចគ្នា ។​
​តំណាង​ប្រជាពលរដ្ឋ​ម្នាក់​អ្នកស្រី មាស ស្រីមុំ មានប្រសាសន៍ថា តាម​ព័ត៌មាន​ដែល​ADB​ផ្ដល់​ឲ្យ​ពួកគាត់ ការអភិវឌ្ឍ​ផ្លូវ​នេះ​នឹង​ប៉ះពាល់​ដី​ប្រវែង​៣,៥​ម៉ែត្រ​ពី​ផ្លូវ តែ​ខាង​ក្រុមហ៊ុន​ថា​ប្រវែង​១០​ម៉ែត្រ ចំណែកឯ​អាជ្ញាធរ​ថា​ជាង​២០​ម៉ែត្រ ។ អ្នកស្រី​បន្ត​ថា ព័ត៌មាន​ខុស​គ្នា​នេះ​ធ្វើឲ្យ​ប្រជាពលរដ្ឋ​មាន​ការភ័យខ្លាច​ពី​កា​រ​ បណ្ដេញចេញ​នៅពេល​ខាងមុខ ។​
​នៅវេលា​ម៉ោង​ជាង​៨​ព្រឹក​នេះ ADB អនុញ្ញាត​ឲ្យ​តំណាង​ប្រជាពលរដ្ឋ​៤​នាក់​ចូល​ជួប​ដើម្បី​ពិភាក្សា​ពី​បញ្ហា​ នេះ តែ​ពុំ​ទាន់​ដឹង​ថា​ទទួលបាន​លទ្ធផល​យ៉ាងណា​នៅឡើយ​ទេ ។​

​កន្លងមក ប្រជា​សហគមន៍​រស់នៅ​តាម​ដងផ្លូវ​រថភ្លើង ធ្លាប់​ជំរុញ​ឲ្យ​ធនាគារនេះ ផ្តល់​ព័ត៌មាន​ពិត ពី​គម្រោង​អភិវឌ្ឍន៍​ផ្លូវ​រថភ្លើង តែ​រហូត​មកដល់ពេលនេះ​មិនទាន់​ទទួលបានចម្លើយ​ច្បាស់​លាល់​​នៅឡើយ​ទេ ។​
​តាម​សេចក្តីរាយការណ៍​នានា ឲ្យដឹងថា ធនាគារ​អភិវឌ្ឍន៍អាស៊ី​នៅ​កម្ពុជា ADB ផ្តល់​កម្ចី លើ គម្រោង​វិនិយោគ​ជួសជុល​ផ្លូវ​ដែក​នៅ​កម្ពុជា​ចំនួន​២​ខ្សែ គឺ ពី​ផ្នែក​ខាងត្បូង​ភ្នំពេញ ទៅ កំពុងផែ​ក្រុងព្រះសីហនុ មាន​ប្រវែង ២៥៦​គីឡូម៉ែត្រ និង​ពី​ផ្នែក​ខាងជើង​ភ្នំពេញ ទៅ​ព្រំដែន​ថៃ​ក្រុង​ប៉ោយ​ប៉ែត ចម្ងាយ ៣៨៣​គីឡូម៉ែត្រ តាំងពី​ឆ្នាំ​២០០៧​។ របាយការណ៍ ADB ឆ្នាំ​២០១២ បានឲ្យដឹងថា គម្រោង​នេះ នឹង​ប៉ះពាល់​ដល់​ប្រជាពលរដ្ឋ ចំនួន​៤០០០​គ្រួសារ​នៅ​ទូ​ទាំង​ប​ប្រទេស ក្នុងនោះ​១០៥០​គ្រួសារ​ត្រូវ​ផ្លាស់ប្តូរ​ទីលំនៅ​។ កន្លង​មក​គម្រោង​អភិវឌ្ឍន៍​នេះ រង​ការរិះគន់​ពី​សង្គម​ស៊ីវិល ថា គម្រោង​នេះ​ធ្វើឲ្យ​ប្រជាពលរដ្ឋ​ដែល​រង​ផលប៉ះពាល់ រងគ្រោះ ដោយ​ទទួលបាន​សំណង​បន្តិច​បន្ទួ​ច​៕
សូមសរសេរមកកាន់​លោក ឡាយ សាមាន តាមរយៈ samean@vodhotnews.com

0 comments:

Post a Comment

Thank you for your comments!













Search