ចូលរួមជាមួយប្លុកKFM

ហ្វេសប៊ុកពត៌មានខ្មែរសិរី

VISITOR

Flag Counter

Total Pageviews

ព្រះពុទ្ធសាសនា

ព្រះមហា​បណ្ឌិត​ ហុក សាវណ្ណ​ 1 2
ព្រះតេជគុណ​ សាន សុជា 1 2

អានរឿងនិទាន

Powered by Blogger.
Saturday, August 23, 2014

ភ្នំពេញ​ ៖​ ទី​ស្នាក់​កណ្តាល​គណបក្ស​ហ៊្វុនស៊ិនប៉ិច​​ដែល​មាន​ទីតាំង​ស្ថិត​នៅ​តាម​បណ្តោយ​ផ្លូវជាតិ​លេខ​៦A ភូមិ ​ក្តី​ចាស់ សង្កាត់​បាក់​ខែង ខណ្ឌ​ឫស្សីកែវ រាជធានី​ភ្នំពេញ ត្រូវ​បាន​លក់​ក្នុង​តម្លៃ​១​លាន​៤​សែន​ដុល្លារ​អាមេរិក​ នេះ​បើ​តាម​ប្រភព​ព័ត៌មាន​ពី​មន្ត្រី។
យោងតាម ​ប្រភព​ព័ត៌មាន​ពី​អតីតមន្ត្រី​គណបក្ស​ហ៊្វុនស៊ិនប៉ិច​​មួយរូប​បាន​បង្ហើប​ ឲ្យ​ដឹង​ថា​មកដល់ពេលនេះ​ទីស្នាក់ការ​គណបក្ស​ហ៊្វុនស៊ិនប៉ិច​​ជាច្រើន​កន្លែង ​កំពុង​ត្រូវបាន​ដំណើរការ​លក់ដូរ​ជា​បណ្តើរៗ ហើយ​ក្នុង​នោះ​ក៏​មាន​ទីស្នាក់ការ​ធំ​ដែល​ស្ថិតនៅ​សង្កាត់​បាក់​ខែង ខណ្ឌឫស្សីកែវ​នោះ​ផងដែរ​។
ប្រភព​នោះ​បាន​បន្តថា ទីស្នាក់ការ​ដែល​បាន​និងកំពុង​ដំណើរការ​​លក់ដូរ​នោះ​រួមមាន​ទីស្នាក់ការ​ដែល ​ស្ថិតនៅ​ខេត្ត​ត្បូងឃ្មុំ​លក់​ក្នុង​តម្លៃ​២០​ម៉ឺន​ដុល្លារ និង​ទីស្នាក់ការ​នៅ​ខេត្ត​សៀមរាប និង​ខេត្ត​កំពង់ធំ​កំពុង​រត់​ការលក់ដូរ​ផងដែរ ហើយ​ដំណើរការ​លក់ដូរ​ទីស្នាក់ការ​ទាំងនេះ​ធ្វើឡើង​ដោយ​លោក​ ឧបនាយករដ្ឋមន្ត្រី​ញឹក ប៊ុន​ឆៃ ដែល​មាន​តួនាទី​ជា​អគ្គលេខាធិការ​គណបក្ស​ហ៊្វុនស៊ិនប៉ិច​ ​ប៉ុន្តែ​ការលក់ដូរ​នោះ​បាន​បង្វែរ​ថា​ជា​ការ​សម្រេច​របស់​គណៈ​អចិន្ត្រៃយ៍​ របស់​គណបក្ស​មិនមែន​ជា​ការ​សម្រេច​របស់​បុគ្គល​ណា​ទេ។
ទាក់ទង ​ទៅ​នឹង​ការ​លើកឡើង​អំពី​ការលក់ដូរ​ទី​ស្នាក់​ខាង​លើនេះ ឯកឧត្តម​ញឹក ប៊ុន​ឆៃ បាន​ថ្លែងប្រាប់​កម្ពុជា​ថ្មី​តាម​ទូរស័ព្ទ​កាលពី​រសៀល​ថ្ងៃ​សៅរ៍​ទី​២៣ ខែសីហា​ថា នោះ​គឺជា​ការដោះដូរ​តែ​ប៉ុណ្ណោះ ហើយ​បានមក​ទិញ​ទីស្នាក់ការ​ថ្មី​ដែល​ស្ថិតនៅ​ផ្លូវ​ជា​សុ​ផា​រ៉ា ​ក្បែរ​អង់តែន​ទួលគោក។ ការ​សម្រេច​ដោះដូរ​នេះ​ដោយសារតែ​ស្នាក់​ការដែល​ស្ថិតនៅ​សង្កាត់​បាក់​ខែង​ នោះ​ឆ្ងាយ​ពេក​ពិបាក​ក្នុងការ​ធ្វើដំណើរ​របស់​គណៈប្រតិភូ​ផ្សេងៗ ដូច្នេះ​ហើយ​យើង​ក៏​ដោះដូរ​មក​នៅក្បែរ​នេះ​វិញ​។
លោក​ញឹក ប៊ុនឆៃ បាន​បញ្ជាក់ថា "​ប្រតិភូ ​គេ​មក​គេ​អត់​ទៅ​ដោយ​សារ​ឆ្ងាយ​ពេក ហើយ​ពិបាក​ជួល​អូ​តែ​ល ដូច្នេះ​ទើប​សម្រេច​ដូរ ហើយ​កន្លែង​ថ្មី​នេះ​មិន​ទូលាយ​ដូច​មុន​ទេ តែ​សមរម្យ ហើយ​ការលក់ដូរ​ពិតជា​មាន​មែន​ តែ​ជា​ការ​ដោះដូរ​"

គួររំលឹកថា គណបក្ស​ហ៊្វុនស៊ិនប៉ិច ​គឺជា​គណបក្ស​ប្រកួតប្រជែង​ដ៏​ខ្លាំង​ជាមួយ​គណបក្ស​ប្រជាជន ប៉ុន្តែ​គណបក្ស​នេះ​បាន​ធ្លាក់ចុះ​ជា​លំដាប់​នៅក្នុង​ការគ្រប់គ្រង និង​ដឹកនាំ​ដោយ​សម្តេច​ក្រុមព្រះ​នរោត្តម រណឫទ្ធិ ហើយ​ទីស្នាក់ការ​របស់​គណបក្ស​នេះ​ដែល​គេ​ស្គាល់​ជា​ដំបូង​មាន​ភាព​ធំ​ទូលាយ និង​ផ្តល់​ភាព​ងាយស្រួល គឺ​ស្ថិតនៅ​គល់​ស្ពាន​ជ្រោយចង្វា​ផ្នែក​ខាងលិច​។ ប៉ុន្តែ​ទីស្នាក់ការ​ដ៏​ល្អ​មួយ​នេះ​ក៏​ត្រូវ​បាន​លក់ដូរ​ទៅ​នៅ​ទីតាំង​មួយ​ ដែល​ស្ថិត​នៅតាម​បណ្តោយ​ផ្លូវ​នរោត្តម​ក្បែរ​ក្រសួងមហាផ្ទៃ ហើយ​ទីស្នាក់ការ​នេះ​ក៏​ត្រូវ​បាន​ដោះដូរ​បន្ត​ទៀត ដោយ​ទៅ​បោះ​ទីតាំងនៅ​សង្កាត់​បាក់​ខែង ខណ្ឌឫស្សីកែវ​រហូត​មក ទើប​ថ្មីៗ​នេះ​មាន​ព័ត៌មាន​លេចឮ​អំពី​ការដោះដូរ​ទីស្នាក់ការ​ដ៏​ទូលាយ​មួយ​ នេះ​ទៀត ក្រោយពី​គណបក្ស​មួយ​នេះ​មិន​ទទួល​បាន​អាសនៈ​សូម្បី​មួយ​នៅ​ក្នុង​រដ្ឋសភា​ នៅក្នុង​ការបោះឆ្នោត​ជ្រើសតាំង​តំណាងរាស្ត្រ​នីតិកាល​ទី​៥​កន្លងទៅនេះ​៕

0 comments:

Post a Comment

Thank you for your comments!

ឧបត្ថម្ភដោយ ក្រុមហ៊ុនតេឡេខំម្ញូណេត្សិន
សេវាកម្មទូរស័ព្ទផ្ទះផ្តល់ជួនតម្លៃពិសេសនិងអាចតេទៅកាន់80ប្រទេស ដោយគ្មានកំណត់⁣ ថែមទាំងលោកអ្នកអាចប្រើមិនគិតថ្លៃ បើលោកអ្នករកបានអតិថិជនដែលប្រើសេវាកម្មដូចគ្នាបាន៥នាក់សម្រាប់អតិថិជននៅក្នុងប្រទេសទាំងនេះ

សូមចុចតាមប្រទេសលោកអ្នករស់នៅ ដើម្បីពត៌មានបន្ថែមឬក៍ជាវ

សហរដ្ឋអាមេរិក
កាណាដា
អូស្រ្តាលី
បារាំង
​​​​​​​​​​​​​​​​​​កូរ៉េខាងត្បូង
និងប្រទេសជាច្រើនទៀត