ចូលរួមជាមួយប្លុកKFM

ហ្វេសប៊ុកពត៌មានខ្មែរសិរី

VISITOR

Flag Counter

Total Pageviews

ព្រះពុទ្ធសាសនា

ព្រះមហា​បណ្ឌិត​ ហុក សាវណ្ណ​ 1 2
ព្រះតេជគុណ​ សាន សុជា 1 2

អានរឿងនិទាន

Powered by Blogger.
Friday, August 15, 2014
អ្នក​តវ៉ា​ដុត​ទង់​ជាតិ​វៀតណាម ៦២០
អ្នក​តវ៉ា​នៅ​មុខ​ស្ថានទូត​វៀតណាម​បាន​ដុត​ទង់​ជាតិ​វៀតណាម នៅ​រសៀល​ថ្ងៃ​ទី ១២ សីហា ឆ្នាំ ២០១៤ នៅ​ក្បែរ​ស្ថានទូត​វៀតណាម។
Photo: បណ្ដាញ​ព្រះសង្ឃ​ឯករាជ្យ ដើម្បី​យុត្តិធម៌​សង្គម
មន្ត្រី​រដ្ឋាភិបាល​កម្ពុជា លើក​ឡើង​ថា ការ​ដុត​ទង់ជាតិ​ក្នុង​ពេល​បាតុកម្ម​ដោយ​អ្នក​តវ៉ា អាច​ជា​រឿង​អសីលធម៌ ប៉ុន្តែ​វា​ក៏​មិន​មែន​ជា​រឿង​ចម្លែក​ដែល​មិន​ធ្លាប់​កើត​ឡើង​នៅ​លើ​ពិភពលោក ​នោះ​ដែរ។
ការ​អះអាង​របស់​មន្ត្រី​រដ្ឋាភិបាល​កម្ពុជា បែប​នេះ ធ្វើ​ឡើង​បន្ទាប់​ពី​ក្រសួង​ការ​បរទេស​វៀតណាម ស្នើ​ឲ្យ​រដ្ឋាភិបាល​កម្ពុជា ចាត់​វិធានការ​ច្បាប់​ចំពោះ​បាតុករ​ខ្មែរ ដែល​បាន​ធ្វើ​បាតុកម្ម និង​ដុត​ទង់ជាតិ​វៀតណាម កាល​ពី​ពេល​ថ្មីៗ​នេះ។
ឆ្លើយ​តប​នឹង​ការ​លើក​ឡើង​របស់​រដ្ឋាភិបាល​វៀតណាម ដែល​ស្នើ​ឲ្យ​រដ្ឋាភិបាល​កម្ពុជា ចាត់​វិធានការ​បញ្ឈប់​បាតុកម្ម​របស់​ពលរដ្ឋ​ខ្មែរ​ក្រោម និង​ដុត​ទង់ជាតិ​វៀតណាម នោះ អ្នក​នាំ​ពាក្យ​ក្រសួង​មហាផ្ទៃ លោក ខៀវ សុភ័គ មាន​ប្រសាសន៍​នៅ​ថ្ងៃ​ទី​១៥ សីហា ថា ប្រទេស​កម្ពុជា ខុស​ពី​ប្រទេស​វៀតណាម។ លោក​ថា កម្ពុជា ជា​ប្រទេស​ដែល​ប្រកាន់​របប​លទ្ធិប្រជាធិបតេយ្យ​សេរី​ពហុ​បក្ស ដូច្នេះ​ពលរដ្ឋ​កម្ពុជា មាន​សិទ្ធិ​សេរីភាព​ក្នុង​ការ​សម្ដែង​មតិ ឲ្យ​តែ​ការ​សម្ដែង​មតិ​នោះ ធ្វើ​ឡើង​ដោយ​ស្រប​ច្បាប់ និង​អហិង្សា។
លោក ខៀវ សុភ័គ បន្ត​ថា វា​ធម្មតា​ទេ​ដែល​ប្រទេស​វៀតណាម អាក់អន់​ចិត្ត​នៅ​ពេល​ទង់ជាតិ​របស់​ខ្លួន​ត្រូវ​បាន​ដុត។ លោក​ថា ប្រសិន​បើ​គេ​ដុត​ទង់ជាតិ​កម្ពុជា ក៏​ពលរដ្ឋ​ខ្មែរ​អន់​ចិត្ត​ដូច​គ្នា​អ៊ីចឹង​ដែរ។ លោក ខៀវ សុភ័គ ចាត់​ទុក​ការ​ដុត​ទង់ជាតិ​របស់​បាតុករ ថា​ជា​រឿង​អសីលធម៌។ តែ​ទោះ​ជា​យ៉ាង​ណា លោក​ថា បញ្ហា​នេះ វា​កើត​ឡើង​សឹង​ជាទូទៅ​ហើយ​នៅ​លើ​ពិភពលោក។ លោក​ថា សូម្បី​តែ​ជនជាតិ​វៀតណាម ក៏​បាន​ដុត​ទង់ជាតិ​ចិន ដែរ នៅ​ពេល​ពួក​គេ​ធ្វើ​បាតុកម្ម​ប្រឆាំង​ប្រទេស​ចិន ពេល​មាន​ជម្លោះ​ដែន​កោះ​នៅ​សមុទ្រ​ចិន​ខាង​ត្បូង កាល​ពី​ពេល​កន្លង​ទៅ​នេះ។
លោក​ថា រដ្ឋាភិបាល​កម្ពុជា សោកស្ដាយ​ចំពោះ​អ្វី​ដែល​បាន​កើត​ឡើង​កន្លង​មក ប៉ុន្តែ​លោក​ជឿ​ជាក់​ថា វា​មិន​ធ្វើ​ឲ្យ​ប៉ះពាល់​ដល់​ទំនាក់ទំនង​ល្អ​រវាង​កម្ពុជា និង​វៀតណាម ឡើយ ព្រោះ​លោក​ថា រឿង​នេះ​មិន​មែន​ជា​គោល​នយោបាយ​របស់​រដ្ឋាភិបាល​កម្ពុជា ឡើយ។ យ៉ាង​ណា​ក៏ដោយ​ចុះ លោក​ថា ប្រវត្តិសាស្ត្រ​នៅ​តែ​ជា​ប្រវត្តិសាស្ត្រ គេ​មិន​អាច​លុប​បំបាត់​វា​បាន​នោះ​ទេ៖ «នេះ​មិន​មែន​ជា​គោលការណ៍ ឬ​គោល​នយោបាយ​ការ​បរទេស​របស់​រាជ​រដ្ឋាភិបាល​កម្ពុជា ទេ។ ខ្ញុំ​ជឿ​ថា មិន​ប៉ះពាល់ (ទំនាក់ទំនង​ល្អ​កម្ពុជា​វៀតណាម) ទេ ព្រោះ​ថា អ្នក​អស់​ហ្នឹង​វា​ជា​មតិ​មួយ​ក្នុង​ប្រទេស​ប្រជាធិបតេយ្យ ប៉ុន្តែ​មិន​មែន​ជា​គោលការណ៍​របស់​រដ្ឋាភិបាល​នៃ​ព្រះរាជាណាចក្រ​កម្ពុជា អ្វី​ដែល​ជា​គោលការណ៍​រដ្ឋាភិបាល យើង​គោរព​គោលការណ៍ ប្រកាន់​ខ្ជាប់​នូវ​ទំនាក់ទំនង​ល្អ​ក្នុង​ប្រទេស​ជា​មិត្ត មិន​ឆ្លុះ​បញ្ចាំង​អំពី​គោល​នយោបាយ​របស់​រាជ​រដ្ឋាភិបាល»
លោក ខៀវ សុភ័គ បន្ត​ថា ទោះ​ជា​យ៉ាង​ណា​ក៏ដោយ បាតុកម្ម​របស់​ខ្មែរ​ក្រោម និង​បណ្ដាញ​យុវជន​ប្រឆាំង​វៀតណាម នៅ​កម្ពុជា នេះ រដ្ឋាភិបាល​កម្ពុជា អាច​គ្រប់គ្រង​ស្ថានការណ៍​បាន។
នៅ​ថ្ងៃ​ទី​១៥ សីហា នេះ​ដែរ សហគមន៍​ខ្មែរ​កម្ពុជា​ក្រោម ចេញ​សេចក្តី​ថ្លែងការណ៍​មួយ ដើម្បី​ថ្លែង​អំណរគុណ​ដល់​អ្នក​ចូលរួម និង​អ្នក​ជួយ​ឧបត្ថម្ភ​ក្នុង​ពេល​បាតុកម្ម​កន្លង​មក។ សហគមន៍​ខ្មែរ​កម្ពុជា​ក្រោម ក៏​រិះគន់​រដ្ឋាភិបាល​វៀតណាម ដែល​សហគមន៍​ចោទ​ថា ម្តង​ហើយ​ម្តង​ទៀត​ជំរុញ​ឲ្យ​រដ្ឋាភិបាល​កម្ពុជា ចាត់​វិធានការ​បង្ក្រាប​បាតុករ​អហិង្សា​នៅ​មុខ​ស្ថានទូត​វៀតណាម។ ពួក​គេ​ចាត់​ទុក​សកម្មភាព​របស់​រដ្ឋាភិបាល​វៀតណាម នេះ ថា​ជា​ការ​ជ្រៀត​ជ្រែក​ចូល​កិច្ចការ​ផ្ទៃ​ក្នុង​របស់​កម្ពុជា និង​ជា​ការ​រំលោភ​ទៅ​លើ​គោលការណ៍​របស់​អាស៊ាន មិន​អាច​ប្រកែក​បាន។ ពួក​គេ​ថា រដ្ឋាភិបាល​កុម្មុយនីស្ត​វៀតណាម គ្មាន​សិទ្ធិ និង​ឥទ្ធិពល​អី​មក​បង្គាប់​បញ្ជា​កម្ពុជា ដែល​ជា​ប្រទេស​ប្រកាន់​យក​របប​នយោបាយ​ប្រជាធិបតេយ្យ​សេរី តាម​តែ​អំពើ​ចិត្ត​នោះ​ទេ។
ទោះ​ជា​យ៉ាង​ណា ពួក​គេ​ថា វា​ជា​បាតុកម្ម​អហិង្សា​ដោយ​ឈរ​លើ​ស្មារតី​គោរព​មិត្តភាព​ជាមួយ​ប្រទេស​ជិត​ ខាង​ល្អ មិន​បង្ក​ឲ្យ​មាន​ការ​ប្រកាន់​ពូជ​សាសន៍ ឬ​អរិភាព​ជាមួយ​ប្រទេស​វៀតណាម ឡើយ ហើយ​ថា ពួក​គេ​នឹង​មិន​ទទួល​ខុស​ត្រូវ​ចំពោះ​ក្រុម​ទាំង​ឡាយ​ណា ដែល​ធ្វើ​សកម្មភាព​មិន​ឋិត​នៅ​ក្នុង​ការ​រៀបចំ​របស់​ពួក​គេ​ឡើយ។
សេចក្តី​ថ្លែងការណ៍​សហគមន៍​ខ្មែរ​កម្ពុជា​ក្រោម​ដដែល ក៏​បញ្ជាក់​ដែរ​ថា ក្រុម​ដឹក​នាំ​បាតុកម្ម​ប្រឆាំង​ការ​បំភ្លៃ​ប្រវត្តិសាស្ត្រ​របស់​វៀតណាម នឹង​ផ្អាក​ធ្វើ​បាតុកម្ម ដើម្បី​រង់ចាំ​លទ្ធផល​ធ្វើ​ការ​របស់​ក្រសួង​ការ​បរទេស​កម្ពុជា ជាមួយ​រដ្ឋាភិបាល​វៀតណាម ទៅ​តាម​ញត្តិ​ស្នើសុំ​របស់​បាតុករ រហូត​ដល់​ដំណាច់​ខែ​សីហា នេះ។ ពួក​គេ​បញ្ជាក់​ថា បើ​សិន​ជា​វៀតណាម មិន​សុំ​ទោស​ពលរដ្ឋ​ខ្មែរ​ជា​សាធារណៈ​ទេ​នោះ នោះ​ពួក​គេ​នឹង​បន្ត​ធ្វើ​បាតុកម្ម​រហូត​ដល់​មាន​ដំណោះស្រាយ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

0 comments:

Post a Comment

Thank you for your comments!

ឧបត្ថម្ភដោយ ក្រុមហ៊ុនតេឡេខំម្ញូណេត្សិន
សេវាកម្មទូរស័ព្ទផ្ទះផ្តល់ជួនតម្លៃពិសេសនិងអាចតេទៅកាន់80ប្រទេស ដោយគ្មានកំណត់⁣ ថែមទាំងលោកអ្នកអាចប្រើមិនគិតថ្លៃ បើលោកអ្នករកបានអតិថិជនដែលប្រើសេវាកម្មដូចគ្នាបាន៥នាក់សម្រាប់អតិថិជននៅក្នុងប្រទេសទាំងនេះ

សូមចុចតាមប្រទេសលោកអ្នករស់នៅ ដើម្បីពត៌មានបន្ថែមឬក៍ជាវ

សហរដ្ឋអាមេរិក
កាណាដា
អូស្រ្តាលី
បារាំង
​​​​​​​​​​​​​​​​​​កូរ៉េខាងត្បូង
និងប្រទេសជាច្រើនទៀត