ចូលរួមជាមួយប្លុកKFM

ហ្វេសប៊ុកពត៌មានខ្មែរសិរី

VISITOR

Flag Counter

Total Pageviews

ព្រះពុទ្ធសាសនា

ព្រះមហា​បណ្ឌិត​ ហុក សាវណ្ណ​ 1 2
ព្រះតេជគុណ​ សាន សុជា 1 2

អានរឿងនិទាន

Powered by Blogger.
Tuesday, September 2, 2014

សន្និសីទ ពុករលួយ ៦២០
មន្ត្រី​ជំនាញ​ប្រឆាំង​អំពើពុករលួយ​មក​ពី ៣៥​ប្រទេស​ថត​រូប​អនុស្សាវរីយ៍​មុន​ពេល​កិច្ច​សន្និសីទ​ចាប់​ផ្ដើម​នៅ​ រាជធានី​ភ្នំពេញ កាល​ពី​ព្រឹក​ថ្ងៃ​ទី​២ កញ្ញា ២០១៤។
RFA/Van Vichar
កម្ពុជា​ធ្វើជា​ម្ចាស់​ផ្ទះ​ជា​លើក​ដំបូង​នៃ​សន្និសីទ​ប្រឆាំង​ អំពើពុករលួយ​ក្នុង​តំបន់​អាស៊ី​ប៉ាស៊ីហ្វិក។ សន្និសីទ​នេះ​មាន​មន្ត្រី​ជំនាញ​ប្រឆាំង​អំពើពុករលួយ​មកពី​៣៥​ប្រទេស ចូលរួម​ពិភាក្សា​ផ្លាស់ប្ដូរ​យោបល់​គ្នា ដើម្បី​ចងក្រង​ជា​យុទ្ធសាស្ត្រ​ប្រឆាំង​អំពើពុករលួយ​នៅ​ពេល​ខាង​មុខ។
សន្និសីទ​ប្រឆាំង​អំពើពុករលួយ​លើក​ទី​៨ នឹង​ចាប់​ផ្ដើម​ដំណើរការ​នៅ​ថ្ងៃ​ទី​៣ ខែ​កញ្ញា។ ប៉ុន្តែ​នៅ​ព្រឹក​ថ្ងៃ​ទី​២ ខែ​កញ្ញា ក្រុម​ការងារ​នៃ​ប្រទេស​ជា​សមាជិក​ទាំង​អស់ បើក​កិច្ចប្រជុំ​មួយ​ជា​មុន​សិន មុន​នឹង​សម្រេច​បើក​សន្និសីទ​ជា​ផ្លូវការ​នោះ។ ក្នុង​កិច្ចប្រជុំ​នោះ ភាគី​ក្រុម​ការងារ​នៃ​ប្រទេស​ជា​សមាជិក​ទាំង​អស់​ជជែក​គ្នា​ត្រង់​ទៅ​ត្រង់​ មក​ពី​បញ្ហា​ពុករលួយ​ដែល​កើត​មាន​ក្នុង​ប្រទេស​របស់​ខ្លួន​ទាំង​អស់ ​រាប់​ទាំង​ពី​ប្រសិទ្ធភាព​នៃ​ការ​ប្រឆាំង​អំពើពុករលួយ និង​មូលហេតុ​ដែល​ធ្វើ​ឲ្យ​ពលរដ្ឋ​របស់​ខ្លួន​មិន​មាន​ជំនឿ​ចិត្ត​លើ​ ប្រព័ន្ធ​គ្រប់គ្រង​របស់​រដ្ឋ។

ក្នុង​កិច្ចប្រជុំ​ក្រុម​ការងារ​នោះ មន្ត្រី​អង្គភាព​ប្រឆាំង​អំពើពុករលួយ​អនុញ្ញាត​ឲ្យ​អ្នក​សារព័ត៌មាន​ស្តាប់​ តែ​ខ្លឹមសារ​បើក​អង្គប្រជុំ​ប៉ុណ្ណោះ ហើយ​មិន​អនុញ្ញាត​ឲ្យ​អង្គុយ​ស្តាប់​ខ្លឹមសារ​លំអិត​ឡើយ។
ប្រធាន​ក្រុម​ប្រឹក្សា​ជាតិ​ប្រឆាំង​អំពើពុករលួយ លោក តុប សំ មាន​ប្រសាសន៍​ថា ការ​រៀបចំ​កិច្ចប្រជុំ​នៅ​កម្ពុជា​លើក​នេះ ជា​ការ​ចែករំលែក​បទពិសោធន៍​រវាង​ប្រទេស​ជា​សមាជិក​លើ​ប្រធាន​បទ ប្រយុទ្ធ​ប្រឆាំង​អំពើ​ពុករលួយ និង​ចងក្រង​គ្នា​ជា​ប្រព័ន្ធ​ដើម្បី​ទប់ស្កាត់​អំពើ​ពុករលួយ​ឆ្លង​ដែន។
លោក តុប សំ បាន​ប្រដូច​អំពើ​ពុករលួយ​ទៅ​ជា​មហារីក​នៃ​សង្គម​ដែល​ធ្វើ​ឲ្យ​សង្គម​ជាតិ​ ទាំង​មូល​ធ្លាក់​ចុះ​ជា​លំដាប់ តាំង​ពី​ផ្នែក​សីលធម៌​សង្គម យុត្តិធម៌​សង្គម និង​ឈាន​ទៅ​ធ្វើ​ឲ្យ​ពលរដ្ឋ​បាត់បង់​ជំនឿ​ចិត្ត​លើ​អង្គការ​រដ្ឋ ថែម​ទាំង​អាច​ធ្វើ​ឲ្យ​មាន​វិបត្តិ​នយោបាយ​ទៀត​ផង។
លោក​ក៏​បាន​លើក​ឡើង​ពី​គុណសម្បត្តិ​របស់​ស្ថាប័ន​ប្រឆាំង​អំពើពុករលួយ​នៅ ​កម្ពុជា តាំង​ពី​ការ​ចងក្រង​ច្បាប់ ការ​អប់រំ​ផ្សព្វផ្សាយ រហូត​ដល់​ការ​ចាប់​ខ្លួន​មន្ត្រី​ធំៗ​ក្នុង​ស្ថាប័ន​រដ្ឋាភិបាល និង​តុលាការ​ជាដើម៖ «អង្គភាព​ប្រឆាំង​អំពើពុករលួយ និង​រាជរដ្ឋាភិបាល បាន​ប្ដេជ្ញា​ចិត្ត​ប្រយុទ្ធ​ប្រឆាំង​អំពើ​ពុករលួយ មក​ពី​យល់​ថា អំពើ​ពុករលួយ​ជា​ឧបសគ្គ​ចម្បង​ដល់​ការ​អនុវត្ត​អភិបាលកិច្ច»
​ទោះជា​បែប​ណា​ក្តី ច្បាប់​ប្រឆាំង​អំពើ​ពុករលួយ​នៅ​កម្ពុជា ក៏​ត្រូវ​រង​ការរិះគន់​ជា​បន្ត​បន្ទាប់​ពី​សំណាក់​សង្គម​ស៊ីវិល​ដែរ។ ចំណុច​ដែល​គេ​រិះគន់​ថា អង្គភាព​ប្រឆាំង​អំពើ​ពុករលួយ​មិន​អាច​ធ្វើ​ការងារ​ដោយ​ឯករាជ្យ​នោះ​នៅ​ ត្រង់​អង្គភាព​ប្រឆាំង​អំពើពុករលួយ​ស្ថិត​ក្រោម​បញ្ជា​របស់​ នាយករដ្ឋមន្ត្រី។ សង្គម​ស៊ីវិល​ជឿ​ថា បើ​សំណុំរឿង​ពុករលួយ​ពាក់ព័ន្ធ​នឹង​សែស្រឡាយ​នាយករដ្ឋមន្ត្រី នោះ​អង្គភាព​មួយ​នេះ​ទំនងជា​មិន​ហ៊ាន​ចាត់ការ​ឡើយ។ ម្យ៉ាង​ទៀត ការ​ប្រកាស​ទ្រព្យសម្បត្តិ​ក្នុង​ស្រោមសំបុត្រ ក៏​ជា​ឧបសគ្គ​ដែល​រារាំង​ចំពោះ​ការ​ចូលរួម​របស់​ពលរដ្ឋ​ក្នុង​ការ​តាមដាន និង​ប្រយុទ្ធ​ប្រឆាំង​អំពើ​ពុករលួយ​ដែរ។
សន្និសីទ​ប្រឆាំង​អំពើ​ពុករលួយ​លើក​ទី​៨ ឧបត្ថម្ភ​ដោយ​ធនាគារ​អភិវឌ្ឍន៍​អាស៊ី (ADB) និង​អង្គការ​សហប្រតិបត្តិការ​សេដ្ឋកិច្ច​និង​អភិវឌ្ឍន៍។ មន្ត្រី​ធនាគារ​អភិវឌ្ឍន៍​អាស៊ី​ឲ្យ​ដឹង​ថា សន្និសីទ​ឆ្នាំ​នេះ​មាន​គោលបំណង​ស្តារ​ទំនុក​ចិត្ត​របស់​ពលរដ្ឋ​ចំពោះ​ រដ្ឋាភិបាល​វិស័យ​ឯកជន​និង​សង្គម​ស៊ីវិល។ សន្និសីទ​នេះ ក៏​ធ្វើ​ឡើង​ដើម្បី​រួម​គ្នា​រក​ដំណោះស្រាយ​រួម​ដើម្បី​ឆ្លើយ​តប​ចំពោះ​ បញ្ហា​ពុករលួយ​នៅ​អាស៊ី​ប៉ាស៊ីហ្វិក។ សន្និសីទ​នេះ​ក៏​នឹង​បើក​ឲ្យ​ពលរដ្ឋ​ទូទៅ​ចូលរួម​ស្ដាប់​ដែរ ប៉ុន្តែ​អ្នក​ដែល​មាន​បំណង​ចូល​រួម​ស្ដាប់​អាច​ទៅ​ទាក់ទង​អង្គភាព​ប្រឆាំង​ អំពើពុករលួយ​បាន ហើយ​លោក​នាយករដ្ឋមន្ត្រី ហ៊ុន សែន នឹង​ថ្លែង​សុន្ទរកថា​បើក​សន្និសីទ​នៅ​ថ្ងៃ​ទី​៣ ខែ​កញ្ញា៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ដោយ វណ្ណ វិចារ
2014-09-02

0 comments:

Post a Comment

Thank you for your comments!

ឧបត្ថម្ភដោយ ក្រុមហ៊ុនតេឡេខំម្ញូណេត្សិន
សេវាកម្មទូរស័ព្ទផ្ទះផ្តល់ជួនតម្លៃពិសេសនិងអាចតេទៅកាន់80ប្រទេស ដោយគ្មានកំណត់⁣ ថែមទាំងលោកអ្នកអាចប្រើមិនគិតថ្លៃ បើលោកអ្នករកបានអតិថិជនដែលប្រើសេវាកម្មដូចគ្នាបាន៥នាក់សម្រាប់អតិថិជននៅក្នុងប្រទេសទាំងនេះ

សូមចុចតាមប្រទេសលោកអ្នករស់នៅ ដើម្បីពត៌មានបន្ថែមឬក៍ជាវ

សហរដ្ឋអាមេរិក
កាណាដា
អូស្រ្តាលី
បារាំង
​​​​​​​​​​​​​​​​​​កូរ៉េខាងត្បូង
និងប្រទេសជាច្រើនទៀត