ចូលរួមជាមួយប្លុកKFM

ហ្វេសប៊ុកពត៌មានខ្មែរសិរី

VISITOR

Flag Counter

Total Pageviews

ព្រះពុទ្ធសាសនា

ព្រះមហា​បណ្ឌិត​ ហុក សាវណ្ណ​ 1 2
ព្រះតេជគុណ​ សាន សុជា 1 2

អានរឿងនិទាន

Powered by Blogger.
Friday, March 4, 2016
hun ocm
ភ្នំពេញ៖​នៅ​ព្រឹក​ថ្ងៃទី​០៤ ខែមីនា ឆ្នាំ ២០១៦ វេលា​ម៉ោង​៨ និង​៣០​នាទី នៅ​វិមាន​សន្តិភាព កិច្ចប្រជុំពេញអង្គ​គណៈរដ្ឋមន្ត្រី ក្រោម​អធិបតីភាព សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​​ដាក់ចេញ​នៅ​សេចក្តីសំរេច​ពីរ​គឺ​៖



១- សេចក្តីព្រាង​គោលនយោបាយ​ជាតិ​ប្រជាជន ២០១៦-២០៣០​។​បើ​យោងតាម​តាម​សេចក្តីប្រកាស​ព​តិ​មាន​របស់​ទីស្តីកា​ គណរដឋមន្ត្រី​បាន​ឲ្យ​ដឹងថា​៖​ជាង​មួយ​ទសវត្សរ៍​កន្លងទៅ គិត​ចាប់តាំងពី​ឆ្នាំ ២០០៣ មក ដែល​គោលនយោបាយ​ជាតិ​ប្រជាជន​ត្រូវបាន​ដាក់​ឲ្យ​ប្រើប្រាស់ រាជរដ្ឋាភិបាល​បាន​ខិតខំ​ប្រឹងប្រែង​យ៉ាងខ្លាំង​ជា​លក្ខណៈ​ពហុ​វិស័យ ក្នុងការ​ដោះស្រាយ​បញ្ហា​ប្រឈម​ទាំងឡាយ​ដែល​ពាក់ព័ន្ធ​នឹង​ប្រជាជន និង​ការអភិវឌ្ឍ​។​
​វឌ្ឍនភាព​គួរ​ឲ្យ​កត់សម្គាល់​ជាច្រើន​ដែល​សម្រេចបាន​រហូតមក​ទល់​ពេលនេះ គឺ​ការធ្វើ​ឲ្យ​ប្រសើរឡើង​នូវ​គុណភាព​នៃ​ជីវិត​របស់​ប្រជាជន ជាពិសេស អាយុកាល​សង្ឃឹម​រស់ (​កើនឡើង​ពី ៥៨​ឆ្នាំ សម្រាប់​បុរស និង​៦៤​ឆ្នាំ សម្រាប់​ស្ត្រី​នៅ​ឆ្នាំ ២០០៤ ដល់ ៦៧​ឆ្នាំ សម្រាប់​បុរស និង​៧១​ឆ្នាំ​សម្រាប់​ស្ត្រី​នៅ​ឆ្នាំ​២០១៣)​។​

ស្ថានភាព​សុខភាព​របស់ មាតា ទារក និង​កុមារ មាន​ភាពប្រសើរ​ឡើងជា​លំដាប់ ដែល​ស្តែងឡើង​តាម​ការធ្លាក់ចុះ​យ៉ាងច្រើន​នៃ​អត្រា​មរណៈភាព​មាតា ទារក និង​កុមារ​។ ការទទួលបាន​ការអប់រំ​បាន​ប្រសើរ​ឡើងជា​លំដាប់ ទាំង​បរិមាណ ទាំង​គុណភាព ដោយបាន​កាត់បន្ថយ ទាំង​គម្លាត​រវាង​តំបន់​ទីប្រជុំជន និង​តំបន់​ជនបទ ទាំង​យុគ​ភាព​យេនឌ័រ​ក្នុង​វិស័យ​អប់រំ​។ សេដ្ឋកិច្ចជាតិ​មានការ​រីកលូតលាស់​យ៉ាង​ឆាប់រហ័ស ទាំង​បរិមាណ ទាំង​គុណភាព​។ ហេដ្ឋារចនាសម្ព័ន្ធ​រូបវ័ន្ត​ជាច្រើន​ត្រូវបាន​បង្កើតឡើង​ដោយបាន​ជំរុញ​ឲ្យ​ មាន​កំណើនសេដ្ឋកិច្ច​យ៉ាង​ឆាប់រហ័ស (​ផ​.​ស​.​ស​. ក្នុង​ប្រជាជន​ម្នាក់​បាន​កើនឡើង​ពី ៣៦៧​ដុល្លារ​ក្នុង​ឆ្នាំ​២០០៣ ដល់ ១១៣៦​ដុល្លារ​ក្នុង​ឆ្នាំ​២០១៤​និង​២២១៧​ដុល្លារ​ក្នុង​ឆ្នាំ​២០១៥) និង​ដែល​បាន​បង្កើត​ការងារ​ជាច្រើន​ថែមទៀត ហើយ​បានរួម​ចំណែក​យ៉ាងច្រើន​ក្នុងការ​កាត់បន្ថយ​ភាពក្រីក្រ (​អត្រា​ភាពក្រីក្រ​ត្រូវបាន​កាត់បន្ថយ​ពី ២២,៩% ក្នុង​ឆ្នាំ​២០០៩ មក​នៅ​ជុំវិញ​១៤%​ក្នុង​ឆ្នាំ ២០១៤)​។

គោលនយោបាយ​ជាតិ​ប្រជាជន (២០១៦-២០៣០) រៀបចំឡើង​ដោយ​ក្រសួងផែនការ​ផ្តោតលើ​ក្របខ័ណ្ឌ​ទស្សនៈ​ពីរ ៖ (​ទី​១) បន្ត​ឈរលើ​គោលការណ៍​ដែល​មានចែង​នៅក្នុង​គោលនយោបាយ​ជាតិ​ប្រជាជន​ឆ្នាំ ២០០៣ ដោយ​ទទួលស្គាល់​និង​គាំទ្រ​ចំពោះ​សិទ្ធិ​របស់​គូ​ស្វាមីភរិយា និង​បុគ្គល​ទាំងអស់​ឲ្យ​មាន​សិទ្ធិ​ជា​មូលដ្ឋាន​ក្នុងការ​សម្រេចចិត្ត​ដោយ​ សេរី និង​ដោយ​ទទួលខុសត្រូវ​លើ​ចំនួន​កូន និង​ការ​ពន្យារកំណើត ហើយ​ឲ្យ​មានលទ្ធភាព​ទទួលបាន​នូវ​ព័ត៌មាន ការអប់រំ សេវា និង​មធ្យោបាយ ដើម្បី​ធ្វើការ​សម្រេចចិត្ត​នេះ និង​(​ទី​២) បង្ហាញ​អំពី​ស្ថានភាព​បច្ចុប្បន្ន​នៃ​ការអភិវឌ្ឍ​សេដ្ឋកិច្ច និង​ស្ថានភាព​ប្រជាសាស្ត្រ​, វិភាគ​អំពី​ផលវិបាក​ចម្បងៗ​ផ្នែក​ប្រជាសាស្ត្រ​មកលើ​ការអភិវឌ្ឍ​ក្នុងពេល​ បច្ចុប្បន្ន និង​អនាគត​, កំណត់​នូវ​ការតម្រង់ទិស​មួយចំនួន​ដែលមាន​លក្ខណៈ​គោលនយោបាយ និង​កម្មវិធី​។​
២- សេចក្តីព្រាង​អនុក្រឹត្យ ស្តីពី​វិធាន​ការហាម ការជក់ ឬ​ការ​បង្ហុយផ្សែង​ផលិតផល​ថ្នាំជក់​នៅ​កន្លែងធ្វើការ ឬ​កន្លែង​សាធារណៈ ៖​អនុក្រឹត្យ​នេះ​រៀបចំឡើង​ដោយ​ក្រសួងសុខាភិបាល ដោយ​អនុលោម​តាម​មាត្រា​១៩ នៃ​ច្បាប់​ស្តីពី​ការត្រួតពិនិត្យ​ផលិតផល​ថ្នាំជក់ ដែល​ប្រកាស​ឲ្យ​ប្រើ​ដោយ​ព្រះរាជក្រម​លេខ នស​/​រកម​/០៥១៥/០០៤ ចុះ​ថ្ងៃទី ១៨ ខែឧសភា ឆ្នាំ ។​
​សេចក្តីព្រាង​អនុក្រឹត្យ​នេះ​មាន​៧​ជំពូក និង​១៧​មាត្រា​មាន​គោលបំណង​សំខាន់ៗ​ដូចតទៅ​៖
-​    ​ការចូលរួម​ការពារ​សុខុមាលភាព​របស់​ប្រជាពលរដ្ឋ​
-​    ​ការពារ និង​ទប់ស្កាត់​ការរង​ផ្សែង​ផលិតផល​ថ្នាំជក់​ដែល​បង្ក​ឲ្យ​មាន​ហានិភ័យ​សុខភាព​ដល់​អ្នក​នៅ​ជុំវិញ និង​បរិស្ថាន​
-​    ​កាត់បន្ថយ​ការប្រើប្រាស់​ផលិតផល​ថ្នាំជក់​។​
​នៅក្នុង​សេចក្តីព្រាង​អនុក្រឹត្យ​នេះ ក៏មាន​ចែង​អំពី​ការផាកពិន័យ​កំរិត​ស្រាល​ដល់​បុគ្គល​ដែល​ប្រព្រឹត្តល្មើស​គឺ ២០.០០០​រៀល (​ពីរម៉ឺន​រៀល​) ចំពោះ​អ្នក​ជក់បារី​នៅ​កន្លែង​ហាមឃាត់ និង​៥០.០០០​រៀល (​ប្រាំ​ម៉ឺន​រៀល​) ចំពោះ​ម្ចាស់​កន្លែង​ដែល​មិន​ព្រម​បិទ​សញ្ញា​ហាម​ជក់បារី ឬ​នៅតែ​បន្ត​ដាក់​បង្ហាញ​ចាន​គោះ​បារី​។
ក្រៅពី​របៀបវារៈ​ពីរ​ខាងលើ​នៅក្នុង​កិច្ចប្រជុំ​ម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា​បាន​ក្រើនរំលឹក​ដល់​ក្រសួង​សាធារណៈការ​និង​ ដឹកជញ្ជូន​ឲ្យ​បង្កើនល្បឿន និង​បង្កលក្ខណៈ​ងាយស្រួល​ក្នុងការ​ធ្វើ​ប័ណ្ណ និង​ការផ្ទេរ​ប័ណ្ណ​សំគាល់​យានយន្ត​ក៏ដូចជា​ប័ណ្ណបើកបរ​ជូន​ប្រជាពលរដ្ឋ​ ដែលជា​ម្ចាស់​យានយន្ត​ទៅតាម​ការកំណត់​នៃ​ច្បាប់​ចរាចរណ៍​ផ្លូវគោក​ថ្មី​ ផងដែរ​។​សម្តេច​ហុន​សែន​ក៏​ប្រកាស​ឲ្យ​ដឹងថា​លោក​ឈប់​ចង​ក្រវ៉ា​តក​ហើយ​ពេល​ មក​ប្រជុំ​គណរដ្ឋមន្ត្រី​៕
 

(ដកស្រង់ ពី Newsfeedសាធារណៈ នៃ គហទំព័រ មាតុភូមិ – រាជរដ្ឋាភិបាល​អនុ​ម​ត្ត័​គោលនយោបាយ​ប្រជាជន ២០១៦-២០៣០​និង​អនុក្រឹត្យ​ហាម​ជក់​ឬ​បង្ហុយផ្សែង​បារី​នៅ​កន្លែងធ្វើការ​ឬ​ទីសាធារណៈ​​​ )

0 comments:

Post a Comment

Thank you for your comments!

ឧបត្ថម្ភដោយ ក្រុមហ៊ុនតេឡេខំម្ញូណេត្សិន
សេវាកម្មទូរស័ព្ទផ្ទះផ្តល់ជួនតម្លៃពិសេសនិងអាចតេទៅកាន់80ប្រទេស ដោយគ្មានកំណត់⁣ ថែមទាំងលោកអ្នកអាចប្រើមិនគិតថ្លៃ បើលោកអ្នករកបានអតិថិជនដែលប្រើសេវាកម្មដូចគ្នាបាន៥នាក់សម្រាប់អតិថិជននៅក្នុងប្រទេសទាំងនេះ

សូមចុចតាមប្រទេសលោកអ្នករស់នៅ ដើម្បីពត៌មានបន្ថែមឬក៍ជាវ

សហរដ្ឋអាមេរិក
កាណាដា
អូស្រ្តាលី
បារាំង
​​​​​​​​​​​​​​​​​​កូរ៉េខាងត្បូង
និងប្រទេសជាច្រើនទៀត